Zindagi tujh se shikayat bhi kya karu
 

Zindagi tujh se shikayat bhi kya karu
Ishq bhi hai toh adaavat bhi kya karu

Hum nahi tere wafadaaro mai sanam
Ishq mai teri ibaadat bhi kya karu

Ikhtiyaar-e-bakht ab mujh mai toh nahi
Bigri qismat ka marammat bhi kya karu

Taajiro se khaali bazaar-e-ishq bhi
Mai bhala tanha tijaarat bhi kya karu

Kaash tu be-daar hota par tujh se ab
Aitraaf-e-dard-e-furqat bhi kya karu

Jo muyassar bhi nahi ab taqdeer ko
Dosto mai uss ki hasrat bhi kya karu

Ke jaha tehseeN na ho terey husn ki
Anjuman mai aise shirkat bhi kya karu

Hukmuraani ab hai ehel- e -saffaak ki
Mai faqat tanha baghawat bhi kya karu

Gar khushi mere muqaddar mai hai nahi
Aye mujahid karb-e-qismat bhi kya karu


FEW MEANINGS


• Adaavat= hate
• Ikhtiyaar-e-bakht= control over destiny
• Marammat= repair
• Taajiro= traders
• Tijaarat= business/trading
• Be-daar= aware
• Aitraaf-e-dard-e-furqat= confession of pain of separation
• Muyassar= available
• TehseeN= appreciation
• Hukmuraani= governance
• Ehel-e-saffaak= dictatorial people
• Anjuman= gathering/mehfil
• Karb-e-qismat= regret of fate

subhanallah kya rawa dawaa ghazal pesh ki hai mere bhai...


Jo muyassar bhi nahi ab taqdeer ko
Dosto mai uss ki hasrat bhi kya karu

kya bayaangi hai behad khoobsurat...yunhi likhte rahiye Mujahid bhai

Bahot khoob mujahid sahab.....

Khoob ghazal huyi daad qubool Karein..