Shayri.com

Shayri.com (http://www.shayri.com/forums/index.php)
-   Aapki Shayri (http://www.shayri.com/forums/forumdisplay.php?f=32)
-   -   Vasudhev Kutumbkam (http://www.shayri.com/forums/showthread.php?t=6261)

Chaand 8th October 2002 06:46 PM

Vasudhev Kutumbkam
 
Pyare dostoN , meri is kavita ka shirshak 'Vasudhev Kutumbkam' Sanskrit ka shabd hai jiska matlab hai " Sara Vishv ek Parivaar hai".

Is sundar si dharti ko
Ye kon hai jo sajaata hai,
Kya jaante haiN aap ye greh
Chaand se,
Kitna khoobsoorat nazar aata hai,

Kudrat ne ye jindgi bakshi
Har daulat se maalaamal kiya,
Jara socheiN hamaara yogdaan
Hamne is prithwi ko kya diya,

Khud hi khiNchi lakeereiN
Dharti ko mulkoN me baaNt diya,
KahiN Bhaarat, KahiN arab
KahiN Cheen diya , Iraan diya,

Hairat hai insaani fitrat par
Ye phir bhi beicheN rehta hai,
Laalach ke tukdoN ke khatir
Ye insaani jaaneiN leta hai,

Jara samjho ey InsaanoN
Pehle kahaN ye jahaan the,
Ye puri Dharti hamaari thi
Hum ek kul ki santaaN the.


All times are GMT +5.5. The time now is 02:27 PM.

Powered by vBulletin® Version 3.8.5
Copyright ©2000 - 2020, Jelsoft Enterprises Ltd.