Shayri.com

Shayri.com (http://www.shayri.com/forums/index.php)
-   Shayri-e-Mashahoor Shayar (http://www.shayri.com/forums/forumdisplay.php?f=13)
-   -   sadamaa to hai mujhe bhii ki tujhase judaa huu.N mai.n..... "Qateel Shifai" (http://www.shayri.com/forums/showthread.php?t=69725)

Dhaval 3rd June 2010 11:42 PM

sadamaa to hai mujhe bhii ki tujhase judaa huu.N mai.n..... "Qateel Shifai"
 
sadamaa to hai mujhe bhii ki tujhase judaa huu.N mai.n
lekin ye sochataa huu.N ki ab teraa kyaa huu.N mai.n

bikharaa pa.Daa hai tere hii ghar me.n teraa vajuud
bekaar mahafilo.n me.n tujhe Dhuu.NDhataa huu.N mai.n

mai.n Khudakashii ke jurm kaa karataa huu.n aitaraaf
apane badan kii qabr me.n kabase ga.Daa huu.N mai.n

kis-kisakaa naam lauu.N zabaa.N par ki tere saath
har roz ek shaKhs nayaa dekhataa huu.N mai.n

naa jaane kis adaa se liyaa tuune mera naam
duniyaa samajh rahii hai ke sab kuchh teraa huu.N mai.n

le mere tajurbo.n se sabak ae mere raqiib
do chaar saal umr me.n tujhase ba.Daa huu.N mai.n

jaagaa huaa zamiir vo aaiinaa hai "Qateel"
sone se pahale roz jise dekhataa huu.N mai.n



Qateel Shifai

sajid_ghayel 6th June 2010 02:17 AM

Thank so mucccccccccccccch for sharing this............

Dhaval 7th June 2010 08:56 AM

Saajid bhai..
Qaateel ji ki Ghazlo.n mei.N se kuChh Ghazal mujhe behad pasand hai..Ye Ghazal bhi..


All times are GMT +5.5. The time now is 11:50 AM.

Powered by vBulletin® Version 3.8.5
Copyright ©2000 - 2020, Jelsoft Enterprises Ltd.