|
Best Of Mirza Ghalib
woh firaaq aur woh wisaal kahaaN?
woh shab-o-roz-o-maah-o-saal kahaaN? fursat-e-kaarobaar-e-shauq kise? zauq-e-nazzaraa-e-jamaal kahaaN? dil to dil wo dimaaGH bhee na rahaa shor-e-sauda-e-KHatt-o-KHaal kahaaN? thee woh ik shaKHs ke tasavvur se ab woh raanaai-e-KHayaal kahaaN? 'eisa aasaaN naheeN lahoo rona dil meiN taaqat jigar meiN haal kahaaN? hamse *****a qamaar_KHaana-e-ishq waaN jo jawaiN, girah meiN maal kahaaN? fikr-e-duniyaaN meiN sar khapaata hooN maiN kahaaN aur ye wabaal kahaaN? muzmahil ho gaye quwa'a 'GHalib' wo anaasir meiN 'eitdaal kahaaN? {Mirza ghalib} Ye na thee hamaaree qismat ke wisaal-e-yaar hota agar aur jeete rehte yahee intezaar hota tere waade par jiye ham to ye jaan jhooT jaanaa ke KHushee se mar na jaate agar 'eitabaar hota teree naazukee se jaana ki bandha tha 'ehed_booda kabhee too na toD sakta agar oostuwaar hota koee mere dil se pooche tere teer-e-neemkash ko ye KHalish kahaaN se hotee jo jigar ke paar hota ye kahaaN ki dostee hai ke bane haiN dost naaseh koee chaarasaaz hota, koee GHamgusaar hota rag-e-sang se Tapakta wo lahoo ki fir na thamta jise GHam samajh rahe ho, ye agar sharaar hota GHam agarche jaaN_gulis hai, pe kahaaN bachaiN ke dil hai GHam-e-ishq gar na hota, GHam-e-rozgaar hota kahooN kis se maiN ke kya hai, shab-e-GHam buree bala hai mujhe kya bura tha marna ? agar ek baar hota hue mar ke ham jo ruswa, hue kyoN na GHarq-e-dariya na kabhee janaaza uThata, na kaheeN mazaar hota use; kauN dekh sakta ki yagaana hai wo yaktaa jo dooee ki boo bhee hotee to kaheeN do chaar hota ye masaail-e-tasawwuf, ye tera bayaaN 'GHalib' ! tujhe ham walee samajhate, jo na baada_KHwaar hota {Mirza ghalib} baazeechaa-e-atfaal hai duniya mere aage hota hai shab-o-roz tamaasha mere aage ik khel hai auraNg-e-sulemaaN mere nazdeek ik baat hai 'eijaz-e-maseeha mere aage juz naam naheeN soorat-e-aalam mujhe manzoor juz waham naheeN hastee-e-ashiya mere aage hota hai nihaaN gard meiN sehara mere hote ghisata hai jabeeN KHaak pe dariya mere aage mat pooch ke kya haal hai mera tere peeche? too dekh ke kya rang tera mere aage sach kahte ho, KHudbeen-o-KHud_aaraa na kyoN hooN? baiTha hai but-e-aainaa_seemaa mere aage phir dekhiye andaaz-e-gul_afshaani-e-guftaar rakh de koee paimaanaa-o-sahba mere aage nafrat ka gumaaN guzare hai, maiN rashk se guzaraa kyoN kar kahooN, lo naam na uska mere aage imaaN mujhe roke hai jo khiNche hai mujhe kufr ka'aba mere peeche hai kaleesa mere aage aashiq hooN, pe maashooq_farebee hai mera kaam MajnooN ko bura kehti hai Laila mere aage KHush hote haiN par wasl meiN yoN mar naheeN jaate aayee shab-e-hijaraaN ki tamanna mere aage hai mauj_zan ik qulzum-e-KHooN, kaash, yahee ho aata hai abhee dekhiye kya-kya mere aage go haath ko jumbish naheeN aaNhoN meiN to dam hai rehne do abhee saaGHar-o-meena mere aage ham_pesha-o-ham_masharb-o-ham_raaz hai mera 'GHalib' ko bura kyoN kaho achchaa mere aage! {Mirza ghalib} yahhee to hai na sang-o-KHisht dard se bhar na aaye kyoN? royeNge ham hazaar baar, koee hameiN sataaye kyoN? dair naheeN, haram naheeN, dar naheeN, aastaaN naheeN baiTHe haiN rehguzar pe ham, GHair hameiN uTHaaye kyoN? jab woh jamaal-e-dil_faroz, soorat-e-meher-e-neem_roz aap hee ho nazzaara_soz, parde meiN muNh chupaaye kyoN? dashna-e-GHamza jaaN_sitaaN, naawak-e-naaz be_panaah tera hee aks-e-ruKH sahee, saamne tere aaye kyoN? qaid-e-hayaat-o-band-e-GHam asl meiN dono ek haiN maut se pehle aadmee GHam se nijaat paaye kyoN? husn aur uspe husn_zan rah gayee bulhawas ki sharm apne pe 'eitmaad hai, GHair ko aazmaaye kyoN? waaN wo GHuroor-e-iz'z-o-naaz yaaN yeh hijaab-e-paas-e-waz'a raah meiN ham mile kahaaN, bazm meiN wo bulaaye kyoN? haaN wo naheeN KHuda_parast, jaao wo be_wafa sahee jisko ho deen-o-dil 'azeez, uskee galee meiN jaaye kyoN? 'GHalib'-e-KHasta ke baGHair kaun se kaam band haiN? roiye zaar-zaar kya, keejiye haay-haay kyoN? {Mirza ghalib} Zulmat_kade meiN mere shab-e-GHam ka josh hai ik shamma'a hai daleel-e-sahar, so KHamosh hai nai muzda-e-wisaal na nazzaara-e-jamaal muddat huee ki aashtee-e-chashm-o-gosh hai mai ne kiya hai, husn-e-KHud_aara ko be_hijaab 'ai shauq, yaaN ijaazat-e-tasleem-e-hosh hai gauhar ko ikd-e-gardan-e-KHubaaN meiN dekhna kya auj par sitaara-e-gauhar_farosh hai deedaar, waada, hausla, saaqee, nigaah-e-mast bazm-e-KHayaal maikada-e-be_KHarosh hai 'ei taaza waaridan-e-bisaat-e-hawa-e-dil zinhaar gar tumhaiN hawas-e-na-o-nosh hai dekho mujhe jo deeda-e-ibrat_nigaah ho meree suno jo gosh-e-naseehat_niyosh hai saaqee ba_jalwa dushman-e-imaan-o-aagahee mutrib ba_naGHma rahzan-e-tamkeen-o-hosh hai ya shab ko dekhte the; ki har gosha-e-bisaat daamaan-e-baaGHbaan-o-kaf-e-gul_farosh hai lutf-e-KHiraam-e-saaqee-o-zauq-e-sada-e-chang yeh jannat-e-nigaah woh firdaus-e-gosh hai ya subh dam jo dekhiye aakar to bazm meiN nai woh suroor-o-soz na josh-o-KHarosh hai daaGH-e-firaaq-e-sohabat-e-shab kee jalee hooee ik shamma`a reh gaee hai so wo bhee KHamosh hai aate haiN GHaib se ye mazaameeN KHayaal meiN 'GHalib', sareer-e-KHaama nawa-e-sarosh hai {Mirza ghalib} b dil-e-naadaaN tujhe huaa kya hai? aaKHir is dard kee dawa kya hai ham haiN mushtaaq aur woh bezaar ya ilaahee ! yeh maajra kya hai? maiN bhee muNh meiN zabaan rakhta hooN kaash ! poocho ki "muddaa kya hai"? jab ki tujh bin naheeN koee maujood fir ye hangaama, 'ei KHuda ! kya hai ye paree chehara log kaise haiN? GHamza-o-ishwa-o-'adaa kya hai? shikan-e-zulf-e-ambaree kyoN hai? nigah-e-chashm-e-soorma sa kya hai? sabja-o-gul kahaaN se aaye haiN? abr kya cheez hai, hawa kya hai? hamko unse wafa ki hai ummeed jo naheeN jaante wafa kya hai "haaN bhala kar tera bhala hoga" aur darvesh kee sada kya hai? jaan tum par nisaar karta hooN maiN naheeN jaanata duaa kya hai maiNe maana ki kuchch naheeN 'GHalib' muft haath aaye to bura kya hai ? {Mirza gahlib} Husn-e-mah, garche ba_haNgaam-e-kamaal achcha hai us'se mera mah-e-KHursheed-e-jamaal achcha hai bosa dete naheeN aur dil pe hai har lahja nigaah jee meiN kehte haiN, muft aaye to maal achcha hai aur baazaar se le aaye agar TooT gaya saaGHar-e-jam se mera jaam-e-sifaal achcha hai be_talab daiN to maza usme siwa milta hai woh gada jisko na ho KHoo-e-sawaal achcha hai unke dekhe se jo aa jaatee hai muNh par raunaq woh samajhte haiN ke beemaar ka haal achcha hai dekhiye paate haiN ushshaaq butoN se kya faiz? ik birahaman ne kaha hai, ke yeh saal achcha hai ham_suKHan teshe ne farhaad ko sheereeN se kiya jis tarah ka bhee kisee meiN ho kamaal achcha hai qatra dariya meiN jo mil jaaye to dariya ho jaaye kaam achchaa hai woh, jiska ma'aal achcha hai KHijr SultaaN ko rakhe KHaaliq-e-akbar sar_sabz shaah ke baaGH meiN yeh taaza nihaal achcha hai hamko ma'aloom hai jannat ki haqeeqat lekin dil ke KHush rakhne ko, 'GHalib' yeh KHayaal achcha hai {Mirza ghalib} c sab kahaaN kuchh laalaa-o-gul mein numaayaaN ho gayeen Khaak men kyaa suuraten hongii ki pinhaaN ho gayeen yaad thii hamako bhii rangaa rang bazmaaraaiiyaaN lekin ab naqsh-o-nigaar-e-taaq-e-nisiyaaN ho gayeen thiin banaatunnaash-e-garduuN din ko parde men nihaaN shab ko unake jii men kyaa aaii ki uriyaaN ho gayeen qaid men yaaquub ne lii go na yuusuf kii Khabar lekin aaNkhen rauzan-e-diivaar-e-zindaaN ho gayeen sab raqiibon se ho.n naaKhush, par zanaan-e-misr se hai zulaiKhaa Khush ke mahv-e-maah-e-kanaaN ho gayeen juu-e-KhuuN aa.Nkho.n se bahane do ki hai shaam-e-firaaq main ye samajhuuNgaa ke shamaen ho farozaaN ho gayeen in pariizaadon se lenge Khuld men ham intaqaam qudarat-e-haq se yahii huuren agar waaN ho gayeen neend usakii hai, dimaaG usakaa hai, raaten usakii hain terii zulfen jisake baazuu par parishaaN ho gayeen main chaman men kyaa gayaa, goyaa dabistaaN khul gayaa bul-bulen sun kar mere naale, Gazal_KhvaaN ho gayeen vo nigaahen kyuuN huii jaatii hain yaarab dil ke paar jo merii kotaahii-e-qismat se mizshgaaN ho gayeen bas ki rokaa main ne aur siine men ubharen pai ba pai merii aahen baKhiyaa-e-chaak-e-gariibaaN ho gayeen waaN gayaa bhii main to unakii gaaliyon kaa kyaa javaab yaad thii jitanii duaaen, sarf-e-darbaaN ho gayeen jaaNfizaa hai baadaa, jisake haath men jaam aa gayaa sab lakiiren haath kii goyaa rag-e-jaaN ho gayeen ham muvahihad hain, hamaaraa kesh hai tark-e-ruusuum millaten jab miT gayeen, ajzaa-e-iimaaN ho gayeen ranj se Khuugar huaa insaaN to miT jaataa hai ranj mushkilen mujh par paDi itanii ke aasaaN ho gayeen yuuN hii gar rotaa rahaa 'Ghalib', to ae ahl-e-jahaaN dekhanaa in bastiyon ko tum ki viiraaN ho gayeen {Mirza ghalib} Na tha kuchch to KHuda tha, kuchch na hota to KHuda hota duboya mujhko hone ne, na hota maiN to kya hota? huaa jab GHam se yooN behis to GHam kya sar ke kaTne ka na hota gar juda tan se to zaanooN par dhaRa hota huee muddat ke 'GHalib' mar gaya par yaad aata hai wo har ek baat pe kehana, ke yooN hota to kya hota? {Mirza gahlib} |
All Are Best Of Mirza Ghalib Not Mine
|
jan
tu kis se shadi karega yahan her kisi ka yaar hai kisi ke19 to kisi ke sirf chaar(4) hai
|
Quote:
So it's my sugesstion to u Bhai aapse umar mein bada huN aur tajurba bhi kafi jyada hai isliye kabhi is khel mein khud ko itna involve mat kijiye ke dil ko koi aisa zakham mile ke jo kabhi bhar hi na paye ... so take it easy bro...:) |
Kai arsey baad main lauta hu.
At last after long 2 years i am back at Shayri.com.
|
Best of Mirza Ghalib... I AM BACK AFTER 2 YEARS....
[QUOTE=Tausif shaikh;298805][SIZE="4"][FONT="Comic Sans MS"][COLOR="Red"]woh firaaq aur woh wisaal kahaaN?
woh shab-o-roz-o-maah-o-saal kahaaN? fursat-e-kaarobaar-e-shauq kise? zauq-e-nazzaraa-e-jamaal kahaaN? dil to dil wo dimaaGH bhee na rahaa shor-e-sauda-e-KHatt-o-KHaal kahaaN? thee woh ik shaKHs ke tasavvur se ab woh raanaai-e-KHayaal kahaaN? 'eisa aasaaN naheeN lahoo rona dil meiN taaqat jigar meiN haal kahaaN? hamse *****a qamaar_KHaana-e-ishq waaN jo jawaiN, girah meiN maal kahaaN? fikr-e-duniyaaN meiN sar khapaata hooN maiN kahaaN aur ye wabaal kahaaN? muzmahil ho gaye quwa'a 'GHalib' wo anaasir meiN 'eitdaal kahaaN? {Mirza ghalib} Ye na thee hamaaree qismat ke wisaal-e-yaar hota agar aur jeete rehte yahee intezaar hota tere waade par jiye ham to ye jaan jhooT jaanaa ke KHushee se mar na jaate agar 'eitabaar hota teree naazukee se jaana ki bandha tha 'ehed_booda kabhee too na toD sakta agar oostuwaar hota koee mere dil se pooche tere teer-e-neemkash ko ye KHalish kahaaN se hotee jo jigar ke paar hota ye kahaaN ki dostee hai ke bane haiN dost naaseh koee chaarasaaz hota, koee GHamgusaar hota rag-e-sang se Tapakta wo lahoo ki fir na thamta jise GHam samajh rahe ho, ye agar sharaar hota GHam agarche jaaN_gulis hai, pe kahaaN bachaiN ke dil hai GHam-e-ishq gar na hota, GHam-e-rozgaar hota kahooN kis se maiN ke kya hai, shab-e-GHam buree bala hai mujhe kya bura tha marna ? agar ek baar hota hue mar ke ham jo ruswa, hue kyoN na GHarq-e-dariya na kabhee janaaza uThata, na kaheeN mazaar hota use; kauN dekh sakta ki yagaana hai wo yaktaa jo dooee ki boo bhee hotee to kaheeN do chaar hota ye masaail-e-tasawwuf, ye tera bayaaN 'GHalib' ! tujhe ham walee samajhate, jo na baada_KHwaar hota {Mirza ghalib} baazeechaa-e-atfaal hai duniya mere aage hota hai shab-o-roz tamaasha mere aage ik khel hai auraNg-e-sulemaaN mere nazdeek ik baat hai 'eijaz-e-maseeha mere aage juz naam naheeN soorat-e-aalam mujhe manzoor juz waham naheeN hastee-e-ashiya mere aage hota hai nihaaN gard meiN sehara mere hote ghisata hai jabeeN KHaak pe dariya mere aage mat pooch ke kya haal hai mera tere peeche? too dekh ke kya rang tera mere aage sach kahte ho, KHudbeen-o-KHud_aaraa na kyoN hooN? baiTha hai but-e-aainaa_seemaa mere aage phir dekhiye andaaz-e-gul_afshaani-e-guftaar rakh de koee paimaanaa-o-sahba mere aage nafrat ka gumaaN guzare hai, maiN rashk se guzaraa kyoN kar kahooN, lo naam na uska mere aage imaaN mujhe roke hai jo khiNche hai mujhe kufr ka'aba mere peeche hai kaleesa mere aage aashiq hooN, pe maashooq_farebee hai mera kaam MajnooN ko bura kehti hai Laila mere aage KHush hote haiN par wasl meiN yoN mar naheeN jaate aayee shab-e-hijaraaN ki tamanna mere aage hai mauj_zan ik qulzum-e-KHooN, kaash, yahee ho aata hai abhee dekhiye kya-kya mere aage go haath ko jumbish naheeN aaNhoN meiN to dam hai rehne do abhee saaGHar-o-meena mere aage ham_pesha-o-ham_masharb-o-ham_raaz hai mera 'GHalib' ko bura kyoN kaho achchaa mere aage! {Mirza ghalib} yahhee to hai na sang-o-KHisht dard se bhar na aaye kyoN? royeNge ham hazaar baar, koee hameiN sataaye kyoN? dair naheeN, haram naheeN, dar naheeN, aastaaN naheeN baiTHe haiN rehguzar pe ham, GHair hameiN uTHaaye kyoN? jab woh jamaal-e-dil_faroz, soorat-e-meher-e-neem_roz aap hee ho nazzaara_soz, parde meiN muNh chupaaye kyoN? dashna-e-GHamza jaaN_sitaaN, naawak-e-naaz be_panaah tera hee aks-e-ruKH sahee, saamne tere aaye kyoN? qaid-e-hayaat-o-band-e-GHam asl meiN dono ek haiN maut se pehle aadmee GHam se nijaat paaye kyoN? husn aur uspe husn_zan rah gayee bulhawas ki sharm apne pe 'eitmaad hai, GHair ko aazmaaye kyoN? waaN wo GHuroor-e-iz'z-o-naaz yaaN yeh hijaab-e-paas-e-waz'a raah meiN ham mile kahaaN, bazm meiN wo bulaaye kyoN? haaN wo naheeN KHuda_parast, jaao wo be_wafa sahee jisko ho deen-o-dil 'azeez, uskee galee meiN jaaye kyoN? 'GHalib'-e-KHasta ke baGHair kaun se kaam band haiN? roiye zaar-zaar kya, keejiye haay-haay kyoN? {Mirza ghalib} Zulmat_kade meiN mere shab-e-GHam ka josh hai ik shamma'a hai daleel-e-sahar, so KHamosh hai nai muzda-e-wisaal na nazzaara-e-jamaal muddat huee ki aashtee-e-chashm-o-gosh hai mai ne kiya hai, husn-e-KHud_aara ko be_hijaab 'ai shauq, yaaN ijaazat-e-tasleem-e-hosh hai gauhar ko ikd-e-gardan-e-KHubaaN meiN dekhna kya auj par sitaara-e-gauhar_farosh hai deedaar, waada, hausla, saaqee, nigaah-e-mast bazm-e-KHayaal maikada-e-be_KHarosh hai 'ei taaza waaridan-e-bisaat-e-hawa-e-dil zinhaar gar tumhaiN hawas-e-na-o-nosh hai dekho mujhe jo deeda-e-ibrat_nigaah ho meree suno jo gosh-e-naseehat_niyosh hai saaqee ba_jalwa dushman-e-imaan-o-aagahee mutrib ba_naGHma rahzan-e-tamkeen-o-hosh hai ya shab ko dekhte the; ki har gosha-e-bisaat daamaan-e-baaGHbaan-o-kaf-e-gul_farosh hai lutf-e-KHiraam-e-saaqee-o-zauq-e-sada-e-chang yeh jannat-e-nigaah wo |
Quote:
|
fursat-e-kaarobaar-e-shauq kise?
zauq-e-nazzaraa-e-jamaal kahaaN? dil to dil wo dimaaGH bhee na rahaa shor-e-sauda-e-KHatt-o-KHaal kahaaN? 'eisa aasaaN naheeN lahoo rona dil meiN taaqat jigar meiN haal kahaaN? hamse *****a qamaar_KHaana-e-ishq waaN jo jawaiN, girah meiN maal kahaaN? kya koee in ashaar ko samjha sakta hai ? |
Ek Guzarish...!
Ap sab logo se bas ek guzarish hai ki, sirf meri he nahi par har us post par reply zarur karien jo apko pasand aye ya naa pasand aye. Apke replies se humara hosla badta hai aur humien pata lagta hai ki humari galtiyan kahan kahan hah. "PLEASE POST A REPLY"
|
Shaikh Tousif Bhai As salam walekum.......
Aapne Mirza Asadullah Ghalib sahab ki shyari se hume ruberu karwaya aapka bahot bahot shukriya Bhai....... Ek ilteja hai agar aap alfazo ke mayne bhi sath mein de to hum samjhe chunki Ghalib sahab ki jyda tar shayari Farsi aur Arebi lafzo se ataa huyi hai..... aur hum itne zahin nahi jo itne fasi alfazo ko sahin mayne se samjh sake....... Agar aap aisa karte hai to aapke bahot bahot shukra guzar rahenge Bhai..... |
Walaikum asalaam,
Umeed hai tumhe mera collection pasand aya hoga, inshallah main apni taraf se puri koshish karunga ki apki pareshani dur ho jaye. Thanks for your reply yours truly...... |
Thank You Very Very Much.............
Ap Sabka Bohat Bohat Shukria Jo Apne Is Theard To 5 Star Theard Ke Kabil Samjha..................:) |
Bohat he umda collection pesh kia hai apne janab, Ghalib sahab ki har ghazal dil ko chuu jati hai... Thanks for sharing...
|
Anewale kuch hafto mein kuch aur umda ghazalein post karunga, umeed hai mera collection ap sabko pasand ayega...:)
|
nice I want friendship with u .can we?
|
Quote:
|
Allah ka shukra hai aur ap logo ka pyar hai jo meri peshkash ap sabko pasand ayi...;-)
|
Bohat he besabri se intezar kar raha hu apne sabse umda mirza ghalib ghazal collection ko 10,000 logon ko view karte dekh beinteha khushi ho rahi hai. Ap sabka tahe dilse shukria aur bohat sara pyar love u all :)
|
:) :) ;> :) :) ;> :) :) ;> Thank you
|
Its been a long journey at SDC but its been a great great achivement to be apart of this awesome social site for such a long era.... Love u all SDC members & moderators & Guests as well :) @};-
|
Khawabo me ap ki tasvir nazar ati hai,
Yadon me ap ki muskurahat nazar ati hai, Aye dost zindagi bhar sath nibhana, Ap me hume apni taqdir nazar ati hai. Yeh apke liye janab:) *N.m* |
Quote:
|
[QUOTE=Tausif shaikh;391889]
Quote:
mezza aa gyaa bhaiiiiii.................. keeep going on. |
Apka tah e dilse shukia premeet jee.....
|
Quote:
|
Superb indeed...... awesome collection.....thanx for sharing...:)
rep++++++++++++added |
Quote:
Apka tahe dilse shukria lamha jo apne meri choti se koshish ka saraha..... Bohat bohat shukria |
Quote:
|
Crosses 21,000 Mark Huge Achievment
|
Great Love Shown....
Ap sabka tahe dilse shukr ada karta hu main, meri mamuli se collection ko itna zyada serhane ke liye...
Dua me yaad rakhain inshallah i'll keep sharing..... |
bahut hi achi rachna hai. padh kar acha laga.
thanks for sharing...................................... |
Assalam-o-Alaykum Tausif Sahab bahut hi umda kallam aapne hamnse baante, hum aapke bahut shukrguzar hai ese hi acche-2 collection yanha pesh karte rahe....ALLAH HAFIZ
|
Quote:
Apki hausla afzi ke liye main tah e dil se shukr guzar hu, bas mujhe apni dua me yaad rakhain.. Fiamanallah |
Quote:
Ap sabka shukria aj meri post +30,000 viewer cross kar chuki hai.... Bohat Bohat Shukria |
Quote:
|
aaiinaa kyun na dun ke tamaashaa kahen jise aaiinaa kyun na dun ke tamaashaa kahen jise aisa kahan se laun ke tujhsaa kahen jise hasarat ne laa rakhaa teri bazm-e-khayaal men guldastaa-e-nigaah suvedaa kahen jise phuunkaa hai kisne goshe muhabbat men ai Khudaa afasuun-e-intazaar tamannaa kahen jise sar par hujuum-e-dard-e-Gariibii se Daliye vo ek musht-e-Khaak ke saharaa kahen jise hai chashm-e-tar men hasarat-e-diidaar se nihaan shauq-e-inaan guseKhtaa dariyaa kahen jise darakaar hai shiguftan-e-gul haaye aish ko sub_h-e-bahaar panbaa-e-miinaa kahen jise "Ghalib" buraa na maan jo vaaiz buraa kahe aisaa bhii koi hai ke sab achchhaa kahen jise |
dard minnat_kashe-davaa na huaa
dard minnat_kashe-davaa na huaa mai.n na achchaa huaa, buraa na huaa [minnat_kashe-davaa=obliged to medicine] jamaa karate ho kyo.n raqiibo.n ko ik tamaashaa huaa gilaa na huaa ham kahaa.N qismat aazamaane jaaye.n tuu hii jab Kha.njar aazamaa na huaa kitane shiirii.n hai.n tere lab ke raqiib gaaliyaa.N khaake bemazaa na huaa [shiirii.n=sweet] hai Khabar garm unake aane kii aaj hii ghar me.n boriyaa na huaa [boriya=mat] kyaa vo namaruud kii Khudaaii thii ba.ndagii me.n meraa bhalaa na huaa [namarud=Nimrod=a king who used to say that he was God] jaan dii, dii huii usii kii thii haq to yuu.N hai ke haq adaa na huaa zaKhm gar dab gayaa lahuu na thamaa kaam gar ruk gaya ravaa na huaa [ravaa=lawful] rahazanii hai ki dil_sitaanee hai leke dil, dil_sitaa.N ravaa na huaa [dil_sitaa.N=stealer of one's heart] kuchch to pa.Dhiye ki log kahate hai.n aaj 'Ghalib' Gazal_saraa na huaa |
Shukria Kamil Sahab Apne Achi Gazal Pesh Ki Mirza Sahab Ki.... Share Karte Rahain Aur Khush Rahain.... Take Care
|
Shukriya
Is post k view dekh ke behadd khushi hoti hai mujhe...
SDC ka tah e dil se shukriya.. |
| All times are GMT +5.5. The time now is 12:20 AM. |
Powered by vBulletin® Version 3.8.5
Copyright ©2000 - 2024, Jelsoft Enterprises Ltd.