|
Bheegne se na khud ko bachaya karo
Bheegne se na khud ko bachaya karo
Jab bhi barsaat ho tum nahaya karo Husn hota hai is se manawwar bohut Apne maathe pe afshaaN sajaya karo Manawwar- Splendid Umr ki koi bandish nahin hoti hai haath pawoN men menhdi rachaya karo Aur bhi khoobsurti nikhar jayegi Isno powder o kajal lagaya karo Khud ko motaape se door rakhte raho Dhyan hargiz na is se hataya karo Motaapa- Fatty/ Not slim Mat karo tum takalluf kisi baat pe raaz koi na dil men chupaya karo rok kar tum paraya na kardo mujhe apne haq ko hamesha jataya karo Baat achhii lage jo bhi merii tarah Be jhijak mujh ko tum bhi bataya karo Saath Parwaaz dete hain dete raheN ge HosloN ke patangge udaya karo ghar men Parwaaz hanste hansate raho be-zaroorat kahin tum na jaya karo. By Mujeeb Parwaaz |
very nice mujeeb jee..........:)
|
Isno powder o kajal lagaya karo :p :p
hahaha waah waahh kya baat hai.... ishqiyaa kam mazaakiyaa zyaada nazar aa raha hai....lekin bahot hi accha likha hai aapne.... likhte rahiye Shaad... |
Bohut bohut shukriya Madhu Saheba.
Duaon ke saath. Mujeeb Parwaaz. |
Aadab arz hai Shaad Sahab.
aap ne waqt nikala aur mujh ko padha Bohut bohut shukriya aap ka. Yun hi saath dete rahiye. Bhai mera zehen dard wale kalaam ke pass nahin jaata. eh baat nahin ke dard se bhare kalaam main padhta nahin ya mujhe acche nahin lagte. Main inhen padhta hun likhta bohut kam hun. Rahi baat mazaaq ki ...agar mazaaq sasta/ khasta na ho ya gira hua na ho to eh qabil-e-qubool hota hai. Acchhe mazaaq se qurbat men ijafa hota hai...isliye hansne hansane ke liye mazaaq karte rehna chahiye.....bas dhyaan rakhna chahiye ke isse koi hurt na ho. Ek correction kar ne ki zehmat uthayiyega. Mujhe khushi hogi. "Faty " ko "Fatty" kardijiye. Aur last men ek aur philosophical makta jod dijiye. ghar men Parwaaz hanste hansate raho be-zaroorat kahin tum na jaya karo. With thanks & regards. Mujeeb Parwaaz. |
Wah, Mujeeb saHb, Mazaa aagaya.
Bohot baDhiya, kuchh chulbula sa bhi hai ismeiN. PaDhte paDhte laboN pe be-saakhta ek musurahat sii aagayii.. bas yunhi likhte raheiN. Regards |
Quote:
Mujeeb saahab aadaab.. aapke huqum ki tameel karte hue maine wo dono correction kar diye hain jo aapne kahe they...... au mujhe sach kahun to aapke kalaam ka ye rang bahot hi zyaada pasand aaya... ek shaayar me variations hona bahot zaruuri hai ye merii raay hai........ Allah kare zore qalam aur zaada... likhte rahiye........... Shaad.. |
Waah mujeeb bhai ...aap ne shringar bhi karva diya aur husn ki tareef bhi kardi..
Miya bahut natkhat andaaz laga aapka ...ki mashuka ko barish meiN nahane ki guzarish / hidayat de di ...bahut khoob sanjay sehgal |
very very nice mujeeb jee...........keep it up
|
Bohut bohut shukriya Aru Sahab.
Mujeeb Parwaaz |
ghar men Parwaaz hanste hansate raho
be-zaroorat kahin tum na jaya karo. waaaaaaaaaaaaah ... Mujeeb bhai .... waaahh.. kia kehny.... aik alag tarz ky kalaam sy saamna karwaaya hy... bohat mazaa aaya phad kar .. is meiN tanz bhi tha aur pyar bhii... mazaah bhiii tha aur dard bhii.... khaaksaar kii taraf sy is anmool kaawish ky liye dherooN daad qabool kejiye.. :) |
Bohut bohut shukriya Hassan Sahab
Duaon ke saath. Mujeeb Parwaaz |
| All times are GMT +5.5. The time now is 04:44 PM. |
Powered by vBulletin® Version 3.8.5
Copyright ©2000 - 2024, Jelsoft Enterprises Ltd.