Duur talak gayi
sabhi dosto ko namaste.....
aaj subah sdc ke ek puraane dost ka phone aaya.....phirse kuch likhna ka dil kiya......kuch purana kaam kiya hua tha( is ghazal ka)...use aaj poora kar diya halanki ye design ke hisab se ek geet jyada hai aur shayad ghazal kam..... jo jaisa samjhhe. gulam ali ki dhun hai' kabhi aah lab pe machal gayi,kabhi as askh aankho se Dhal gaye' regards ------------------------------ teri paayalon ki khanak se ik, dabi aag dil ki dhahak gayi khuda jaane kya mera hashr ho ,jo naqaab rukh se sarak gayi teri aankh me wahi baat hai,mere haal ka wahi haal hai teri sharm jaane gayi kidhar, kaha jaane meri jhijak gayi raha chand mujhse khafa khafa, na hi taare hi rahe rahnumaa mere askh me base jugnuoo, se ye raat meri chamak gayi mere khwab me jo shafaq sa tha, koi saya jaise ho waqt ka mai to hosh hi me tha har ghadi, meri aankh kaise jhapak gayi hua khud se zidd yu muqaabla, kya hai dil balaa, jo pata chala teri yaad ka liye kaarwaa, meri aah duur talak gayi |
Quote:
Kya Khoob Ghazal Likhi Hai ......... Matle Se Maqte Tak ....... Kis Ashaar Ko Khaas KahooN ... Kis ashaar Ko Pehle Daad DooN ... PaDh PaDh Ke Zehn Ki AankheN Chamak Gai ...... ! :) SuperBBBB Creation ... tahe dil se daad hazir hai ... qubuul FarmaayeN ... !http://www.funonthenet.in/forums/Smileys//fun/clap2.gifhttp://www.funonthenet.in/forums/Smileys//fun/clap2.gifhttp://www.funonthenet.in/forums/Smileys//fun/clap2.gif aise hi behtreen taraanoN ke saath humeshaa aate rahe ... likhte rahen ... ! khush rahen ... ! apna theek se khayaal rakhen ... ! duaaoN ke saath ... ! |
Quote:
ji.....nice creation.................:) |
Zidd saaHeb:
namaste! behterin Khayaal... dil se daad aur duaaeN...! yuuNhi bazm ki Shaan baDhaate rahiye... KhuSh raheN... apnaa Khayaal raKheN duaaoN ke saath ijaazat aapka ~Dhaval |
Zidd bhai
radhe radhe teri paayalon ki khanak se ik, dabi aag dil ki dhahak gayi khuda jaane kya mera hashr ho ,jo naqaab rukh se sarak gayi teri aankh me wahi baat hai,mere haal ka wahi haal hai teri sharm jaane gayi kidhar, kaha jaane meri jhijak gayi hua khud se zidd yu muqaabla, kya hai dil balaa, jo pata chala teri yaad ka liye kaarwaa, meri aah duur talak gayi bahut Khoooooooooooooob ............ :) dil se daad hazir hai .... qabool ki jiye humari bhi .... :) yuhi likhte rahiye ............ ! |
Bahut achhe zidd saaheb
Khayalaat ke to aap shuruaat se saanii hai .. Daad Reps ++ |
Quote:
Zidd saahab.. sach kahun to aapki ghazlon me jo lutf hai, wo kahin aur nazar nahi aata... alagh hi kuch baat hai isme ke baar baar padhne ko jee chaahata hai.... bas ek baat jo mujhe pareshaan kar rahi hai, ijaazat ho to pooch looN...??? Naqaab- Muzakkar hai ya Muannis. Kyonki aapne ise as a muannis pesh kiyaa hai, aur waise bhi ek gaana hai "Saraktii jaae hai rukh se naqaab" lekin agar is gaane ko chhod diyaa jaae to mujeh to badii muskil huii iske muannis paane me.... halaki muzakkar ke kai example mile hain.... aap dekh leiN ek baar... Sarak gaya jis ghadi sir se naqaab uska, le gayaa jaan meri zaalim hijaab uska, mehekte rehte the jinse mere sham-o-sahar, ab bhi pannon mein dabaa rakhaa hai gulaab uska, jab bhi hoti hai koi baat shab-e-mehfil mein, jikr hota hai her baat mein janaab uska. Aaftaab bhi nikal jaata hai andheron se naqaab chehre se zaraa bhi na hilta hai husn e janaan ki jhalak ko tadpta hua ye dil kaash sarak jaata naqab dua kerte hua ye dil Naqaab kya chupae ga shabab-e-husn ko "IQBAL" Nigah-e-ishq to pathar b cheer deti hai.. ab ummeed karta hon bade bhai.. ab aap meri baatOn se naraaz na hote hue bas mera maslaa hal karne me meri madad karenge..... Waise bhi aapne kaha hai ke aajkal kaafi fursat me hain janaab, to maine socha lage haanthOn kuch pooch looN... :D ILM me izaafa hoga... Shukriyaa. Shaad... |
Quote:
"hua khud se zidd yu muqaabla, kya hai dil balaa, jo pata chala teri yaad ka liye kaarwaa, meri aah duur talak gayi"........waah!! |
Waise bhi urdu ek zubaan hai aur shayri lahza .. aur lahze meiN upar niche ki guniaaish rahti hai ..ameer minai saaheb ko apni shayri meiN SARAKTII JAAYE zyada achha laga to unhone naqaab ko muannis kar diya..
Humaare ustaad naqaab ko muzakkar treat karte haiN aur kayii dost muannis to meri nazar meiN ye sirf bolne ka fark jaisa aapko achha lage :D |
shaad bhai aapko kyu laga ki mai jawaab nahi dunga.?:confused:
aisa kaun sa bahot katin sawaal hai? aur waise bhi ameer minai ne lafz ko muannas(feminine) istemaal kiya hai to utna hawala kafi hai bahut se noun common(neuter) gender hote hai, yehi simple answer hai:confused:...jo muzakkar aur muannas dono ho sakte hai. regards |
Quote:
Pataa nahi kyoN, magar jab aapne jawaab na diyaa to mujhe lagaa ke shaayad aap jawaab na denge, isliye pooch liya bhai... waise aapka jawaab sunkar tasallee hui.... ek sawaal aur khaae ja raha hai.... Lafz-e- Qalam (pen) ke baare me aapki kya raay hai.... maine ise Muannas le liya tha ek ghazal mein.... Kya ye muzakkar hai ya muannas.... yahaan ke kuch khaas members ne kuch din pehle bahot hungama kar diyaa tha is baat ko lekar... Lekin jab same thing Naqaab ke saath uthi, to sochaa shaayad aap is baat ko bakhubi samjhaa paaen... aur ho saktaa hai apne guru ki baat un members ko acche se samajh me aa jaae... main bhi bas apni confusion door karna chahta tha... Shukriyaa bahrhaal..... Shaad... |
Quote:
mai app per tanQeed bilkul nahi ker raha , bus apni tasalee ke liye kuch poochna chahtaa hoN . sab se pehly to yeh Hairat hai keh ameer minaaee ne sarakti ko saraktaa kiyoN nahi likha ? jab ke dono hi Haalat mai peRha or gunagunaaya jaa sakta hai . phir bhi unhoN ne saraktee jaaey hai kiyoN istemaal kiya :confused: bahut hi pecheedgee hai or doosra yeh bhi poochna hai keh kiya ameer minaee saHb ghaltioN se paak thay ? wo koii ghaltee nahi ker sakty thay ? abhee do hi din pehley mai shae'ree mai naqS "shutur garbah" ke baary mai peRh raha tha , to mujhy ustaadoN ke kalaam mai bhi bahut hi jaga shutur garba nazar aaya aik miCaal pesh kerta hoN jissey app ginty they aashnaa , jissy app kehty they bawafaa maiN wahi hoN momin e mumtilaa , tumhaiN yaad ho ke ya yaad ho yahaN iska zikr zarooree to naheeN tha phir mai iska kiyoN ker raha hoN ? ab sawal yeh aata hai zehn mai keh kiya momin saHb is naqS se bekhabar thy ? aur ager bakhabar thy to phir aisa kiyoN ker likha ? zyada tar ustaad is naqS k murtakib rahieN haiN or sab se zyada lut^f ki baat to yeh hai keh sabhi ne is naqS ko tasleem bhi kiya hai , mager gaahy bagaahy is a'eb ko dohraaty rahy haiN . or dosry ustaadoN ne us per koee tanQeed bhi nahi kee . ab zara sawal muzakar ya muanaC per bhi ho jaaey . mujhy sharm aa gayaa ? maiN ne khaana khaaee ? maiN ne paanee pee ? mujhy pyaar aaii ? darj e baalaa sabhi alfaaZ bejaan haiN or muzakar bhee , kiya inka istemaal saHeeH hai ? aakhir mai , shaad bhai se muKhaatib honaa zarooree smajhtaa hoN . shaad bhaaee calmn down , mai kisee ke bhee t^araf daaree naheeN ker raha , mager mujhy kshitiz saHb ki kahee gaeii baat maiN kaheeN bhi appki baat ka mazaak uRaana nahieeN lag raha , agerchy unhoN ne baat mazaak mai zaroor kee hai . mager aam bol chaal maiN aksar aisy alfaaz hoty haiN jo hum bhi ghalat^ bolty haiN kiyoN keh uska andaaza hamieN khud bhi nahi hota aaya yeh muzakaar hai ya muanac , iski micaalieN bahut jald pesh karoNga . |
Quote:
(shaad bhai, mai poore yakeen se kahta hu ki andaaz sahab ne aapke sawaal ko hawaii andaaz me talaa nahi hai. varna vo aate hi kyu kuch kahne . bahut serious qism ke insaan hai vo . mere khayaal se unka matlab grmmatical tha,,,ki inanimate object hai kuch,tou itni behas kyu ,jaisa theek lagta hai aur misaal hai,,,,so theek hai!!) ( urdu zabaan aur shayri ke lahje se bhi vo tecnical baat hi kar rahe the...indirectly. matlab ye ke urdu prose ke liye kuch rules ho sakte hai ,magar shayri ka apna ek lahja hai ,matlab nuance hai. shayar ko bahut jagah poetic licence hai ,liberty hai ,apni baat shayri ke hisaab se arrange karne ki ( jaise tecnically yaha bandish radeef ki thi),,,so use vo GENERALLY permissible Tahra rahe hai. ye liberty ek prose writer ko nahi hai....unki bat bhi tecnical nature ki hi hai, shaad sahab..aap gaur farmaiye) regards |
.................................................. .................................................. .
Quote:
|
Thoda sa main bhi kahna chahta hun.... Shayari ka jo bhi grammar hai.. Aur zubaan ka jo bhi hai... Follow karna hi hoga... Aur agar koe nuks agar arooz mai hai to wo nuks hai hi... Chahe ghalib main ne bhi ghalti ki ho... Akhir shayar shayri se bada to ni ho sakta.. Ab dikkat ye hai ki.. Shayyri kis zubaan mai hai kahna 100% mushkil hai.... Urdu shayri .. Hindi shayri... Ya hindustaani shayri ...
Aur ik baat ki ghazal momin in sabke zamane main shayri k kayde ya arooz poori tarah samne nahi aaya tha.. Shutrgurba... Ustaad daagki khoj hai.. Aur daag hi ki shayri ek bharpoor sanad maani jaati hai.. Ab ye to humpe depend hai hum kis tarah likhna chahte hai.. Jite ji to hum misaalen de denge Baad marne ke? |
Sameer saaheb ..
Awwal to maiN aapka gunahgaar huN kyu ki aapko meri baat ka bura laga par yaqeen maaniye mera irada rattii bhar bhi aapka dil dukhaane ka nahii tha .. apnii baat ko haNsii meiN kahne ka sabab bas itna tha ki aapko vo khale na ..aapke sawaal ka mazaak banana nahii .. Hum jis cheez ko jaisa sunte aaye haiN hume vo waisi hi achhi lagti hai par ho sakta hai kahiN koi aur usi cheez ko kisi aur dhang se kahta ho .. Maslan maine logoN ko kahte suna falaaN jagah bahut pahuche hue baba KI mazaar hai to mazaar muannas hui jabki ghalib saaheb ka sher hai Hue mar ke hum jo ruswa hue kyu na garq e dariya Na kahiiN janaza uth-ta na kahiN mazaar banta Ab iss baat pe agar hum bahas kareiN ki mazaar muannas hai ya muzzakkar to kya munasib hoga kyuN koi saboot to hai nahi muannas aur muzakkar ka .. jaandaar aur bejaan cheez se mera yahi matlab tha .. Aapne jin chizoN ka hawala diya unhe 10 me se 10 log wahi pukaarte haiN jo aapne kaha par unka kya. Jinhe 10 me se 7 kuch aur kahte haiN aur 3 kuch aur jaise.. Humaare ghar me aaj nayi tv aai hai / naya tv aaya hai / nayi scooter aayi hai / naya. scooter aaya hai Ummeed karta huN aap naraaz nahi honge |
Mujeeb bhai..
Aapko yahaaN dekh ke behad khushi hui kam se kam isi bahaane aapke deedaar to hue ..bahut waqt hua aapko kuch shaya kiye hue .. Buzm apni jaanib aapki masrufiyyat ki talabgaar hai .. Ummeed karta huN jald humaare beech aapka naya kalaam hoga Apna khyaal rakhiye |
.................................................. .................................................. .................................................. .................................................. .................................................. .................................................. .......................................
Quote:
|
mujeeb sahab aadaab.
Quote:
Quote:
yeh bhi ho saktaa hai woh ghalt^ee per hoN . Ghalib , zauq , meer Hasan , juraat or bahut saary ustaadoN ke kalaam mai choTi choTi ghalt^iyaaN paee jaatee haiN . or bar haa woh dosry ustaadoN ki tanqeed ka shikaar rahy haiN . kuch tanqeed ki bina per iSlaah ker laity thy or kuch joN ka tooN rehny daity . khud Ghalib saHb key dewaan e Ghalib ke kaee nuSKhy jaaree kiye gaey haiN markete mai app check ker sakty haiN , apnee hi kaii ghazloN ki iSlaaH khud mirza saHb ne ki . mager aik baat waZeH ker daina chahtaa hoN keh aisa Sirf shak hai meraa keh woh ghalat^ bhee ho sakty haiN or naheeN bhee ho sakty , mai unko ghalat^ cabit naheeN ker raha or naa hee mera maqSad hai . maiN ne sawal sirf isi liye kiya ke aisa unhoN ne kiyoN ker likha . or ager app is per thoRee wizaHat ker daiN ke ameer minaee saHb ghaltioN se paak thay ? wo koii ghaltee kiyoN nahi ker sakty thay ? iski kiya waja hai ? Quote:
Quote:
Quote:
aSl mai yeh baat jananaa zaroree hai . ager is per tafSeel batana chaieN to mujhy bahut khushee ho gee. Quote:
mai aik baar phir appse ma'zrat chahoNga is gustaakhi :( ki keh aik baar phir appke mukhaalif honaa peRH raha hai mujhy apnee raaey mai . qatee mat^lab appko ghalat^ kehna naheeN hai . urdu mai tamaam alfazoN ko muzakar muanic or waHid jamma decalre kiya gaya hai . ager appko urdu peRHna likhna aati hai to lughat ki aik website daita hoN beshak app us se faaidaa HaaSil ker liya karieN . mazaar muzakar hi hai :( baabaa ki mazaar nahi ... baabaa ka mazaar kehna hi saHeeH samjhaa jaataa hai . go aisaa naheeN keh roz maraa ki zindagee mai hum saary alfaaz / jumley ya muHvery saHeeH kehty hoN . khud hum jinko bachpan se urdu peRHaaee jaatee haiN hazarooN ghalt^iyaaN kerty haiN aik din maiN . app is baat ka yaqeen karieN ya na karieN mujhy URDU ke bahut saary alfaaz app jaisey aHbaab se saHeeH sunany ko mily to maiN chaunk jaataa ke yeh ghalat^ kiyoN keh rahy haiN . aur jab teHqeeq kerta to ghalat^ app naheeN mai hotaa tha :) mai appki is baat se to mutafiq hoN ke hum jaisy behter smajhty haiN waisy hee sunanaa acha lagtaa hai kiyoN keh woh bachpan se hum waisy hi sunty chaly aaye haiN . aakhir mai aik baat kerna chaoN ga jo micaalieN appne bataieN hai woh urdu ka Hisa nahieN hai gooyaa unko muzakar ya muanac ka jaama naheeN pehnaaya jaa sakta dil azaaree ke liye ma'zrat |
Quote:
Kya aap batayenge ki aapne jo usatadon k naam liye unki kaha kaha ghaltiyan hai.... Ya shaq hai aapko .. Main aapki baat jyun ki tyun rakh raha hun.. Regards |
Quote:
Aadaab ! maiN ma'zrat chahtaa hoN keh maiN ne appki is ahm tareen baat ko peRhaa hi naheeN . urdu mai aisy bahut alfaaz haiN jo optional gender haiN woh bayak waqt muzakar bhee hai aur muanic bhee. jaisa keh app ne mical dee "Qalam" ki aur isi hi tereH app hi ne miCaal dee "fikr" ki ، jee haaN yeh waaqe'ee muzakar bhi haiN or muanic bhi aik do micaalieN mai bhi day a'rZ kerna chahoNga lalach mushkil etc mager aisa nahieN ke yahaN hamieN her lafZ^ per hi ikhtiyaar hai ke apni merzi se iste'maal karieN usse , ab shai'ree mai kis Had tak iski ijaazat hai iska e'lm naheeN hai mujhy . |
aapkaa behad shukriyaa Mujeeb bhai jo islaah ko aapne sahi raah dikhaai aur bahot khoobsurtii aur behad adab ke saath aapne apni baateN hum sab ke saath share kareeN...
Filhaal jo mujhe shaq thaa "Naqaab" ka wo jyoN ka tyoN hai... magar Qalam ka shaq door karne ke liye aapka aur Zidd bhai ka bahot shukriyaa... Zidd saahab agar aap mujhe Naqaab ne muannis hone ki agar chand aur misaal pesh karenge to yaqeen maniye dil bahot aaraam se is neutral gender waali baat qubool kar legaa... Warnaa to naqaab saahab sarakte hi jaa rahaa hai.. kya kareN... Shukriyaa... |
Quote:
Urdu mein qalam .. Ka gender kya hai ho sake to .. Proof k sath batayen . .. Kynki firk aur qalam dono alag taraf k lafz hai ek ko choo sakte hai ek ko nahin.. Apke pas urdu ki kafi sanad hogi .. Plz share karen |
Quote:
chal apni qalam uTha aur chal yaha se (uThi nahi ho sakta na?) mere saath meri qalam chalti hai ( chalta hai hoga kya?) so dono sahi hai matlab optional gender hai.,,,jab maine kaha to yakeen nahi hua ...ab mujeeb sahab ne bhi kah diya hai. ab to yakeen ho gaya hoga na? ab isse jyada proof chaiye? regards |
Quote:
albataa e'lm rakhny waaloN ne in per teHqeeq ki hai or ustaadoN ke shai'ree mai bhi ghalt^iyoN ki nishaan dehee ki hai , kiyoN ke ajj kal jaisa keh maiN ne a'rZ kiya hai shuturgarbah peRh raha tha to abhee unki chand miCaalieN hai , app kahieN to idher wagerna app jahaN kahieN maiN likh daita hoN . mazeed mujhy jo jo Hawalaa miltaa jaaey ga mai appki pesh kerta rahoNga . |
Quote:
Meri baat bhi kaun maantaa hai Khair .. Bhayee tasalli chahiye umr bhar isi main thodi uljha rahunga.. |
Quote:
haqiqat to ye hai hi ke neutral gender hai,,, jo maine sabit kiya. aur usi ke wajah se aapka 'qalam' sabit hua hai.:D ------------------------------------------ (uski)naqaab uThi ke Uthi rah gayi............ (uski)naqaab uTha ke dekh.......................:D plus ameer minai ka precedent. ab isse jyada kya kahe? regards |
Quote:
shaturgurba ka kayda daag sahab se shuru hua tha... Meri jaankaari k hisaab se... So is par to ni kah sakta. Haan ek aur baat hai... Ghalib ne apni ghazal kabhi kagaz par nahi utaari Unki kayee ghazlen hai .. Jinme aadhy sher hi unke nahi hai .. Ye baat unhone apne khat mai khud kahi hai... Aapko chahiye hoga to de dunga Phir bhi mujhe lagta hai ek alag thread ispe hona chahiye jab tak yahi baat karte hain |
Quote:
ab dekho qalam uTha aur chal yaha se. |
Quote:
Bindi utha aur chal yaha se Chdiya utha aur chala yaha se bakri utha aur chal yaha se Ab kya ye sab beech k ho gaye.. :) daleel khariz... Shad sahab mai apke sath hun dont worry Ab to guru chele mein thann gayee :) |
Quote:
jawaab itna muskil nahi jitna soch rahe ho..... |
Quote:
yeh app sirf zaberdasti ka qaaida banaa rahy haiN naqaab , muzakar hi hai :D yeh optional gender naheeN hai . |
Quote:
magar lagtaa hai apne guru ki baat aap hi nahi maanna chahate,... waise kai logon se maaine bhi pata kiyaa to jawaab saamne ye aaya ke qalam keval munnas nahi balki kai bar muzakkar bhi istemaal me aata hai.. Asal me agar qalam lafz ko dekha jaae to aam taur pe muannas ke misaal khoob hain.. lekin muzakkar ke bhi kam sanad nahi hain.... Deja Meri Kalam Naam Nu Ik Hor Hadsa shiv kumar.. khoye din, jaagti shab ka sabab kya hai, meri kalam, meri ghazal, mere hunar ki vajah kya hai.. Hum ne kabhi likha nhi tha shouk sey, bass kalam chal padi, kisi ka khayaal aane sey -------------------------- aur yoon bhi dekhen... mera qalam mere jazbaat se waqif hai itna , kay main lafz mohabbat likhu to tera naam likha jaye isi tarah agar kisi bade shaayr ki sanad mil jaae naqaab ke liye (sivaay minaai) to pesh kareN.. aur apne guru ji ki madad kareN.. Shukriyaa... |
Quote:
|
Quote:
aam bol chaal mai to qalam kee dono soortieN bolee jaatee haiN . gooya qalam per mujhy pukhtaa yaqeen tab bhi nahee thaa or ab bhee nahieN hai . mager ghaalib saHb ne apney kalaam maiN iste'maal kiya hai pesh e khidmat hai hay qalam meree abr e gohar e baar zulm hai gar nah doo suKhan ki daad yahaN qalam muanic iste'maal huwee hai ab dosree miCaal daina bhi wajib hai mujh per to pesh e Khidmat hai . qazaa ney thaa mujhy chaahaa Kharaab e baadah e ulfat faqat^ Kharaab likhaa , bas nah chal sakaa qalam aagay yahaN muzakar iste'maal kiya gaya hai qalam . aur kuch moHteram :) |
Quote:
waise arguement kafi ingenous hai....magar understanding ke liye finess chaiye ek faida to hua hi ke aapki aur shaad bhai ki dosti ho gayi. jawaab itna muskil nahi jitna soch rahe ho..... halanki ab is samay dimag chalane ka mood nahi tha ,phir socha what the heck. sabse pahle 'chirya ' aur ' bakri ' animate nouns hai ,isliye ye is discussion ke bahar hai. naqaab aur qalam ,material noun hai isliye unka rule alag. rahi baat aapki bindi ki....tou verb is not in agreement ,mtlab syntax error hai because of non agreement,maine asume kiya i aap samjh hi lenge . halanki material moun hai.my mistake jo maine assume kiya ki aap baat samjh jayenge. shayad mujhe example dete huye basic verb with an agreeable and relevant action of the verb saamne rakna chaiye tha. ab kar deta hu. qalam hota hai= true qalam hoti hai= true naqaab sarakta hai =true naqaab sarakti hai =possible ( modesty does not permit me to say true,when the debate is on) chidya udta hai = false chidya udti hai =true bakri sota hai = false bakri soti hai = true bindi laga hai = false bindi lagi hai = true ...............bhai noun alag alag types ke hote hai aur sabka alag alag rule hai.....aur mere bus ki baat nahi ki mai ek kitaab yaha type karu....j\\ regards |
Quote:
aap kah rahe hai ameer sahab galat hai...mai nahi mai to ab bhi r& d kar raha hu. aur 1-2 dino me shayad kuch saaamne laa pauu:D dekhte hai. mere kaaano ko galat nahi lag raha hai....aur ameer sahab mere saath hai:D |
Quote:
to naqaab ki misaal kyun nahi maan rahe :) sirf urdu grammar ke hawale se baat karo... mujhe is bat ki hairat hai ki... aapne ek reply main ye baat kar rahe haiN ki... koe ghalti kare to hum bhi kare kyuN :) |
Quote:
bas ye ho saktaa hai ke hamaare thoughts na mil paate hon... magar dost to wo pehle they aur ab bhi hain...... khair intzaar hai mujhe ke jald aapki R n D poori ho jaae aur aap kuch pukhtaa sanad leke saamne aayeN.... Shaad... |
Quote:
waise yahaN baat urdu ki ho rahi hai.. so sirf mere liye no use .... |
All times are GMT +5.5. The time now is 04:44 AM. |
Powered by vBulletin® Version 3.8.5
Copyright ©2000 - 2024, Jelsoft Enterprises Ltd.