pattaa pattaa buutaa buutaa - "Mir" Taqii Mir
 

-- 4th Sheyr really impressed me. Kya khub farmaaya hai "Mir" saab ne!

Patta patta, boota boota, haal hamaaraa jaane hai
Jaane na jaane gul hi na jaane, baagh to saaraa jaane hai

Chaaragari beemari-e-dil ki rasm-e-shahr-e-husn nahin
Warna dilbar naadaan bhi is dard ka chaara jaane hai

Mehr-o-wafa-o-lutf-o-inaayat, ek se waaqif in mein nahin
Aur to sab kuch tanz-o-kanaya, ramz-o-ishaara jaane hai

Aage us mutkabbar ke ham Khuda Khuda kiya karte hain
Kab maujud Khuda ko woh maghrur khud-aara jaane hai

Aashiq saa to saada koi aur na hoga duniya mein
Ji ke zian ko ishq mein uske apna waara jaane hai

Aashiq to murda hai hamesha ji uthta hai dekhe use
Yaar ke aa jaane ko yakaayak umr do baara jaane hai

Kya kya fitne sar par uske laata hai maashooq apnaa
Jis bedil betaab-o-tavaan ko ishq ka maaraa jaane hai

Tashna-e-khun hai, apna kitna 'Mir' bhi naadaan, talkhi-kash
Damdaar aab-e-tegh ko uske aab-e-gawara jaane hai

~"Mir" Taqi Mir

WWWWWAAAAAHHHHH ......

ye ek aisi jaadooee ghazal hai ki chaahein jitni baar bhi ise pardho ya suno ... is ka jaadaoo waisa ka waisa hi rehta hai ..... jaisa hai jaisa pehli baar is ke deedaar hone par mehsoos huwa tha !!!

thanks aadeil ji for sharing it !!!

Shukriya Zarraji,
Hamari kaushish rehti hai ki aise umda sheyr/gazal dhund dhund ke pesh karein. Een shayaron se hi to humein bhi hausla afzaaii milti hai