vo ek lamha
 

Kya tumne kabhi,mujhse kabhi, thoda sa bhi, pyaar kiya hai,
Chahe saccha ho, chahe jhootha ho, chahe jaisa ho, bas pyaar ho,
Vo ek lamha hee sahi,mujhe us lamhe ka pyaar do,
Kya guzra tha,kya beeta tha, mujhe vo poora hisaab do....

Kya tum bhi kabhi mujhe soch ke sharmayi thi,
Us raat kya fir tumhe neend na aayi thi,
Rakha tha kabhi kya takiye ke neeche meri tasveer ko,
Aur subah dekhke use fir tum muskurayi thi,

Vo ek lamha hee sahi,mujhe us lamhe ka pyaar do,
Kya guzra tha,kya beeta tha, mujhe vo poora hisaab do....

kya dekh ke mujhe honth muskurate the,
Rom rom tmhara haal e dil batate the,
Aur chipati thi tum kitna bhi,
Jasbaat chehre pe umad aate the,


Vo ek lamha hee sahi,mujhe us lamhe ka pyaar do,
Kya guzra tha,kya beeta tha, mujhe vo poora hisaab do....

Kya karke yaad mujhe kabhi ashq bahaye the,
maanga tha kabhi mujhe jab haath failaye the,
Aur laga liya tha jubaaN pe taala,
Jab bhi kabhi saamne hum aaye the,


Vo ek lamha hee sahi,mujhe us lamhe ka pyaar do,
Kya guzra tha,kya beeta tha, mujhe vo poora hisaab do....

Rakha hai kya aaj bhi sambhaal ke meri yaado ko,
mere saath bitaye hue din aur raato ko,
Jee thi kya tumne bhi un lamho me zindagi,
Aur daba ke rakh liya fir apne jasbaato ko...


Vo ek lamha hee sahi,mujhe us lamhe ka pyaar do,
Kya guzra tha,kya beeta tha, mujhe vo poora hisaab do....

Kya tumne kabhi,mujhse kabhi, thoda sa bhi, pyaar kiya hai,
Chahe saccha ho, chahe jhootha ho, chahe jaisa ho, bas pyaar ho,
Vo ek lamha hee sahi,mujhe us lamhe ka pyaar do,
Kya guzra tha,kya beeta tha, mujhe vo poora hisaab do....

Rakha hai kya aaj bhi sambhaal ke meri yaado ko,
mere saath bitaye hue din aur raato ko,
Jee thi kya tumne bhi un lamho me zindagi,
Aur daba ke rakh liya fir apne jasbaato ko.

Bahu bahut badhai aru ji bahut khoobsurat poem hai....quoted lines dil ko chchoo gayii...
Dil se daad...

waaah Arvindji,
bahot hi khubsurat naghmaa hai.......

daad hi daad iis tehriir pe.....

thanx a lot Madhu jee.... àapne ise feel kiya uske liye aapka shukriya...,

Thanks a lot hassan jee.::::::::

Aru bhai.............behad khoobsurat ehsaas...aik aik ehsaas hame dil se pasand aaya...bahut saafgoi se aapne dil ki baate rakhi hai...accha lga aapko pad kar.

duaoN ke saath
:)

Thanx aadil jee.....aapka bahut bahut shukriya hai..