Shayri.com

Shayri.com (http://www.shayri.com/forums/index.php)
-   Shayri-e-Mashahoor Shayar (http://www.shayri.com/forums/forumdisplay.php?f=13)
-   -   kuchh to havaa bhii sard thii kuchh thaa teraa Khayaal bhii (http://www.shayri.com/forums/showthread.php?t=69927)

sunita thakur 15th June 2010 04:23 PM

kuchh to havaa bhii sard thii kuchh thaa teraa Khayaal bhii
 
kuchh to havaa bhii sard thii kuchh thaa teraa Khayaal bhii


kuchh to havaa bhii sard thii kuchh thaa teraa Khayaal bhii
dil ko Khushii ke saath saath hotaa rahaa malaal bhii

[sard=cold; malaal=sorrow]

baat vo aadhii raat kii raat vo puure chaa.Nd kii
chaa.Nd bhii ain chet kaa us pe teraa jamaal bhii

[chet=name of a month; jamaal=beauty]

sab se nazar bachaa ke vo mujh ko aise dekhate
ek dafaa to ruk ga_ii gardish-e-maah-o-saal bhii

dil to chamak sakegaa kyaa phir bhii taraash ke dekh lo
shiishaagaraan-e-shahar ke haath kaa ye kamaal bhii

[taraash=chisel/polish (stone); shiishaagar=glazier/one works with glass]

us ko na paa sake the jab dil kaa ajiib haal thaa
ab jo palaT ke dekhiye baat thii kuchh muhaal bhii

[muhaal=difficult/impossible]

merii talab thaa ek shaKhs vo jo nahii.n milaa to phir
haath duaa se yuu.N giraa bhuul gayaa savaal bhii

[talab=quest/want; shaKhs=person]

shaam kii naasamajh havaa puuchh rahii hai ik pataa
mauj-e-havaa-e-kuu-e-yaar kuchh to meraa Khayaal bhii

[naasamajh=naive]

us ke hii baazuuo.n me.n aur us ko hii sochate rahe
jism kii Khvaahisho.n pe the ruuh ke aur jaal bhii


-Parveen Shakir

Parwaazz 16th June 2010 12:35 AM

sunita virender thank you for this sharing...............:)


All times are GMT +5.5. The time now is 01:32 PM.

Powered by vBulletin® Version 3.8.5
Copyright ©2000 - 2024, Jelsoft Enterprises Ltd.