Shayri.com

Shayri.com (http://www.shayri.com/forums/index.php)
-   Shayri-e-Mashahoor Shayar (http://www.shayri.com/forums/forumdisplay.php?f=13)
-   -   Rahat Indori: Har ek chehare ko zaKhmo.n kaa (http://www.shayri.com/forums/showthread.php?t=75343)

Ahmad Hyderabadi 25th December 2012 07:12 PM

Rahat Indori: Har ek chehare ko zaKhmo.n kaa
 
Har ek chehare ko zaKhmo.n kaa aa_iinaa na kaho

Har ek chehare ko zaKhmo.n kaa aa_iinaa na kaho
ye zindagii to hai rahamat ise sazaa na kaho!

Na jaane kaun sii majaburiyo.n kaa qaidii ho
vo saath chho.D gayaa hai to bevafaa na kaho!

Tamaam shahar ne nezo.n pe kyuu.N uchhaalaa mujhe
ye ittefaaq thaa tum is ko haadasaa na kaho!

Ye aur baat ke dushman huaa hai aaj magar
vo meraa dost thaa kal tak use buraa na kaho!

Hamaare aib hame.n ungaliyo.n pe ginvaao
hamaarii piiTh ke piichhe hame.n buraa na kaho!

Mai.n vaqiyaat kii zanjiir kaa nahii.n qaayal
Mujhe bhii apane gunaaho.n kaa silsilaa na kaho!

Ye shahar vo hai jahaa.N raakshas bhii hai "Rahat"
har ek taraashe huye but ko devataa na kaho!



By Rahat Indori

zainy 3rd January 2013 07:59 PM

Wah!...bohat khoob....tfs bro..............:-)

Ahmad Hyderabadi 22nd January 2013 11:38 AM

Quote:

Originally Posted by zainy (Post 445961)
Wah!...bohat khoob....tfs bro..............:-)

Thanks for Liking Sis1!! :) ..............................

Duagoh
Ahmad

sameer'shaad' 22nd January 2013 11:44 AM

Waaahh bahot khoob ghazal hai Rahat saahab ki hai....

thanks for sharing this Ahmad saab....

Shaad...

Ahmad Hyderabadi 22nd January 2013 11:46 AM

Quote:

Originally Posted by sameer'shaad' (Post 447242)
Waaahh bahot khoob ghazal hai Rahat saahab ki hai....

thanks for sharing this Ahmad saab....

Shaad...

Shukriyaa Shaad bhaee... maqta ghaur talab haye........ thanks onnce again.... am a fan of Rahat sahab!

Duagoh
Ahmad

sameer'shaad' 22nd January 2013 11:56 AM

Quote:

Originally Posted by Ahmad Hyderabadi (Post 447243)
Shukriyaa Shaad bhaee... maqta ghaur talab haye........ thanks onnce again.... am a fan of Rahat sahab!

Duagoh
Ahmad

ghaur-talab nahi saahab... Haasile-ghazal kahiye...

nihaaytii khoob, nihaaytii, sacchaa aur kadwaa.... samajhne waalon ke liye nageena hai, warnaa nahi samjahne waalon ke liye mahaz do line...

Shayari ke lihaaz se bhi gar dekhaa jaae to mahaz qaafiya radeef, behr seekh lene se koi shaayar nahi ban jaata... Jab tak dil me adab aur dusron ki izzat na ho wo shaayar to kya saccha insaan bhi nahi hai...

yahi shaayad Rahat saab ne samjhaane ki koshish ki hogi... bahot khoob..

and thanks for sharing once again.... :)

Shaad...


All times are GMT +5.5. The time now is 06:46 AM.

Powered by vBulletin® Version 3.8.5
Copyright ©2000 - 2020, Jelsoft Enterprises Ltd.