arz-e-niyaaz-e-ishq ke qaabil - Mirza Ghalib
Gaur kijye ke, Ye ghazal Ghalib saab ne apne pehle takhallus "Asad" se likhee hai.
arz-e-niyaaz-e-ishq ke qaabil naheeN raha jis dil pe naaz tha mujhe wo dil naheeN raha [ niyaaz = desire/an offering ] jaata hooN daaGH-e-hasarat-e-hastee liye hue hooN shamma'a_kushta darKHur-e-mehfil naheeN raha [ shamma'a_kushta = extinguished lamp, darKHur = worthy ] marne ki 'ei dil aur hee tadabeer kar ki maiN shaayaan-e-dast-o-baazu-e-qaatil naheeN rahaa [ shaayaan = worthy, dast = hand, baazoo = shoulder ] bararoo-e-shash jihat dar-e-aaina_baaz hai yaaN imtiaz-e-naakis-o-qaamil naheeN rahaa [ bararoo = in front, shash = six, jihat = direction, imtiaz = distinction, naakis = cunning, qaamil = intelligent ] waa kar diye haiN shauq ne band-e-naqaab-e-husn GHair_az nigaah ab koee haayal naheeN raha [ waa = open, GHair_az = other than, haayal = obstacle ] go maiN raha, rahee na sitam haaye rozgaar lekin tere KHayaal se GHaafil naheeN raha [ sitam = oppression, GHaafil = unaware/careless ] dil se hawa-e-kisht-e-wafa miT gayee ki waaN haasil siwaay hasrat-e-haasil naheeN raha bedaad-e-ishq se naheeN Darta magar 'Asad' jis dil pe naaz tha mujhe wo dil naheeN raha [ bedaad = injustice ] ~ Mirza Asad-ulla-Khan 'Ghalib' |
Waaahhhhhhhhhhhh..... kyaa khoob ghazal pesh ki hai aapne Aadeil saahab..
Ghalib ki laakhon me ek ghazal. alfaaz hain ya noke khanjar, ghayal hi kar daalaa.... many thanks.. Shaad.... |
Quote:
Adil ka salaam.... |
Bahot Hi Khub peskas aadeil ji......................
Quote:
|
Quote:
Aap ki daad qbul hai................... |
All times are GMT +5.5. The time now is 10:47 PM. |
Powered by vBulletin® Version 3.8.5
Copyright ©2000 - 2024, Jelsoft Enterprises Ltd.