Yeh Mat Socho Kal Kya Ho Ga.............!!!
ek thi ladki meri saheli
saath pali aur saath hi kheli phoolon jaise gaal the uske resham jaise baal the uske ham usko gudiya kehte the rangon ki pudiya kehte the saari thi mujhe pyaari thi wo nanheen raajdulaari thi wo ek din usne bholepan se poochha ye paapa se ja ke ab main khush rehti hu jaise sada hi kya khush rahungi aaise paapa bole meri bacchhi baat bataaun tujh ko sacchhi kal ki baat na koi jaane kehte hain ye sabhi siyaane ( ye mat socho kal kya hoga jo bhi hoga acchha hoga ) -2 bachpan beeta aai jawaani ladki ban gayi roop ki raani college mein ithalaati phirti bal khaati lehraati phirti ek sundar chanchal ladke ne chhup-chhup kar chupke-chupke se ladki ki tasveer banaayi aur ye keh kar use dikhaayi is par apna naam to likh do chhota sa paigaam to likh do ladki pehle to sharamaai phir man hi man mein muskaai ik din usne bholepan se poochha ye apne saajan se ab main khush rehti hu jaise sada hi kya khush rahungi aaise usne kaha ki meri raani itni baat hai maine jaani kal ki baat na koi jaane kehte hain ye sabhi siyaane ( ye mat socho kal kya hoga jo bhi hoga acchha hoga ) -3 oon hoon -2 ik paradesi door se aaya ladki par haq apna jataaya ghar waalon ne haami bhar di pardesi ki marzi kar di pyaar ke waade huye na poore rah gaye saare khwaab adhoore chhod ke saathi aur hamsaaye chal di ladki des paraaye do baanhon ke haar ne roka vaadon ki deewaar ne roka ghaayal dil ka pyaar pukaara aanchal ka har taar pukaara par ladki kuch munh se na boli patthar ban kar gair ki ho li ab gumsum hairaan si hai wo mujhse bhi anjaan si hai wo jab bhi dekho chup rehti hai kehti hai to ye kehti hai kal ki baat na koi jaane kehte hain ye sabhi siyaane |
Re: Yeh Mat Socho Kal Kya Ho Ga.............!!!
kya baat hai...!!!
wow...!!!! dil ko na sirf choo liya balki nishaan bhi chod diya hai aapne...apni pyari aur maasoom tehreer se...kitni mithaas hai aapki kavita mein ...sach bolun to aisa laga padhte hue mano Manna Dey ka gaya kisi purani film ka madhur geet sun raha hoon....waqai...dil ko choo liya aapne...dil ki gehrai se nikli daad kubool kijiye...aise hi khubsurati se likhte rhaiye apna khayal rkahiye -MANOJ |
hi,
aaj pehli baat padha hai aapko.aur sach jaaniye bahut acha laga aapko padhkar.bahut hi acha likha aapne,dil ko choo gaya. likhte rahiye yunhin. |
Re: Re: Yeh Mat Socho Kal Kya Ho Ga.............!!!
Quote:
yeh waaqe^i ik film ka hi geet hai.. 'GUMRAAH' film se hai aur 'Aasha Bhoshle' jee ne aawaaz di hai.. -Mayank:p |
Hi,
Accha geet hai... magar aapka likha nahi hai....aage se jo cheezen aapki na likhi hon unke neech "Not Mine" likh dijiyega... Do keep sharing... TC.. |
Re: Re: Re: Yeh Mat Socho Kal Kya Ho Ga.............!!!
mohtaram janab mayank saheb
huzoor bahoot bahoot shukriya naacheez ko sahi tasveer dikhane ke liye...halaaki padhte hue mere jehan mein yeh baat jaroor aayi thi ki is geet ko to hindi film mein istemaal hona chaiye,,kyunki itna khubsurat jo hai yeh ...magar mein bilkool is baat se anjaan tha ki yeh film Gumraah ka geet hai,,halaaki is film ke naam se mein achi tarah se waakif hoon..Mahendra kapoor ke gaye iske geeton,sAHIR SAHEBKE LIKHE nagmon aur Ravi ke sangeet ke chalte ..magar is geet se na jane kaise anjaan reh gaya tha. khair...aapka shukrguzar hooon... -MANOJ |
yeh mat socho kal kya hoga
Yash ji,
appne jindgi ki sachye ko bayaan kiya hai, aur sach mai appka likha ek ek shabad dil ko chu gaya, yu hi likhtey rahna jindgi ke sach ko...........! |
All times are GMT +5.5. The time now is 04:39 PM. |
Powered by vBulletin® Version 3.8.5
Copyright ©2000 - 2024, Jelsoft Enterprises Ltd.