Ye kaun aata hai tanhaiyon mein jaam liye - ghazal by a gumnaam shayar
 

adaab doston - yeh ghazal hume kisi site par mili lekin hum yeh nahi jaante iske lekhak kaun hain - phir bhi hum yeh post kar rahe hain kyuki hume bahut pasand aayi! ;)
- Mahek -

Ye kaun aata hai tanhaiyon mein jaam liye
Dilon mein chaandni raaton ka ehtemaam liye

Chatak rahi hai kisi yaad ki kali dil mein
Nazar mein raqs-e-bahaaran ki subha shaam liye

Mahek Mahek ke jagati rahi naseem-e-saher
Labon pe yaar-e-masiha nafas ka naam liye

Kisi khayal ki khushboo kisi badan ki Mahek
Dar-e-qafas pe khadi hai saba payaam liye

Bajaa raha thha kahin door koi shehnai
Utha huun aankhon mein ik khwaab-e-na tamaam liye