aaj kya Haal hai, ya rab sar-e-mehfil mera .. ! -
19th September 2010, 12:11 PM
aaj kya Haal hai, ya rab sar-e-mehfil mera
ke nikaale liye jaata hai koi dil mera
soz-e-Gham dekh, na barbaad ho Haasil mera
dil ki tasweer hai, har aaina-e-dil mera
sub^h tak hijr meiN kya jaaniye kya hota hai
shaam hi se mere qaboo meiN nahiN dil mera
paaya jaata hai tiri shoKhi-e-raftaar ka rang
kaash pehlu meiN dhhaDakta hi rahe dil mera
haye us dard ki qismat jo hua dil ka shareek
haye us dil ka muqaddar jo bana dil mera
kuchh khaTakta tau hai pehlu meiN mere reh reh kar
ab Khuda jaane tiri yaad hai, ya dil mera
--JIGAR MURADABADI
YuuN Besabab Aansoo Aate NahiN
Lag Zaroor Koii Baat Dil Ko Rahii Hai ...
Fareb Kaa ChaDhtaa Bazaar Dekh
Insaaf Se Bastii Khaalii Ho Rahii Hai ...
---Naresh Mehra----
|