kalaam e Jigar -
22nd September 2010, 08:46 PM
jab is post par aa hee gayaa to sochaa ke Jigar saHeb ke do behtareen kalaam pesh kartaa chaluN,
1.
na taab e mastee, nah hosh e hastee keh shukr e nemat adaa kareNge,
khizaa meN jab hai yeh apnaa aalam, bahaar aayee to kyaa kareNge!
har ek gham ko farogh dekar yahaaN tak aaraasataaN kareNge,
wahee jo rahte haiN door ham se, khud apnee aagosh waa kareNge!
jidhar se guzrenge sarfaroshaanaa kaarnaame sunaa kareNge,
woh apne dil ko hazaar roke, miree muhab'bat ko kyaa kareNge!
nah shukr e gham zer e lab kareNge,nah shikwa e barmalaa kareNge,
jo ham pe guzregee dil hee dil meN, kahaa kareNge, sunaa kareNge,
yeh zaahree jalwa haaye rangeeN fareeb kab tak diyaa kareNge!
nazar kee jo kar sake nah taskeeN we dil kee taskeen kyaa kareNge,
wahaaN bhee aaheN bharaa kareNge,wahaaN bhee naale kiyaa kareNge!
jinheN hai tujhse hi sirf nisbat, woh teree jan'nat ko kyaa kareNge,
naheeN hai jinko majaal e hastee,siwaaye iske woh kyaa kareNge,
keh jis zameeN ke haiN basane waale, use bhi ruswaa kiyaa kareNge!
ham apnee kyoN tarz e fik'r choRe, ham apnee kyoN waz'a khaas badaleN,
keh inqilaabaat e nau ba nau to huaa kiye haiN huaa kareNge!
2.
allaah agar taufeeq nah de insaan ke bas kaa kaam naheeN,
faizaan e muhabbat aam sahee, irfaan e muhabbat aam naheeN!
ye toone kahaa kyaa ai naadaaN, faiyaazee e qudrat aam naheeN,
too fikr e nazar to paidaa kar, kyaa cheez hai jo iinaam naheeN!
yaarab ye maqaam e ishq hai kyaa, go daadah e dil naakaam naheeN,
taskiin hai aur taskiin naheeN, aaraam hai aur aaraam naheeN!
aanaa hai jo bazm e jaanaaN ke, pindaar e khudee ko toR ke aa!
ai hosh o khirad ke deewaane, yaaN hosh o khirad kaa kaam naheeN!
ishq aur gavaaraa khud kar le, be-shart shikast e faash apnee,
dilkee bhii kuchh unke saajish hai, tanhaa ye nazar kaa kaam naheeN!
shukriyaa
|