Quote:
Originally Posted by Dhaval
Mere Pyaare dostoN:
Namskaar aur Aadaab..!
Aik baar fir se meHfil meiN haaZir ho rahaa huuN apnii ik Ghazal ke saath…. Ummid kartaa huuN aapko merii yeh Ghazal pasaNd aayengii… aapki raae'y kaa iNtezaar rahengaa… mulA’iizaa farmA’iiYe…!
**************************************
Bewafaa tuu nahiiN Bewafaa maiN nahiiN
DhooNDhtee ho jise wo pataa maiN nahiiN
waQt thaa bewafaa ,Bewafaa hum naa the
waQt hi thaa buraa ke buraa maiN nahiiN
maiN zameeN saa rahaa tuu rahii aasamaaN
chaaNd taare ti’re maaNgataa maiN nahiiN
jaa ti’ree maNzileN DhooNDh le Khud hi tuu
maNziloN ke niShaaN jaanataa maiN nahiiN
jin baGhichoN meiN hum baiThate the kabhee
uss taraf ik naZar deKhataa maiN nahiiN
chaar suu bas diKhe muskuraahaT ti'ree
Ey sanaam ! aur kuChh chaahataa maiN nahiiN
maiN nahiiN jaanataa kyaa Khataa thee mi’ree
din-ba-din mar rahaa jee rahaa maiN nahiiN
Bewafaa par liKhii kyuuN Ghazal “JOSH” ne
Aag sii haii Qalam Aag saa maiN nahiiN
**********************************
|
Waah Waah waah!! Kya zabardast bayaani hai Dhaval dost! Har ek sher kahaani keh raha hai and the whole poem is brimming with emotions. Mujhe behad pasand aayi aapki yeh ghazal, meri dil se daad kubool karen.
Yeh sher khaas pasand aaye:
waQt thaa bewafaa ,Bewafaa hum naa the
waQt hi thaa buraa ke buraa maiN nahiiN
maiN zameeN saa rahaa tuu rahii aasamaaN
chaaNd taare ti’re maaNgataa maiN nahiiN