Quote:
Originally Posted by g.m.khavar
takiye ko aansuon se bhigoya to kya
hua ?
Mai bhi kisi ki yaad main roya to kya
hua ??
dil ko sukoon hai ki woh khwabo
main khoye hain,
main hi tamaam raat na soya to kya hua ?
woh phool hai, jo seh na sake oss
(shabnam) ka wazan,
maine ghamon ke bojh ko dhhoya to
kya hua ?
nikle the hum kisi ki vafa ki talaash
main,
is justuju main khud ko hi khoya to
kya hua ?
ilzaam shayri ka ise de diya gaya !!
Lafzon main haal dil ka piroya to kya hua?
'khavar' woh khat bhi jhoot tha,
shayad isiliye,
har lafz maine ashkon se dhoya to kya
hua ?
Ghulam Mohd 'khavar'
|
Khavar saheb,
aadaab tasleem farmaiiyeaur bazm meiN aapka swaagat hai
aapki Ghazal paDhi, is gohar ko shaareek-e-bazm ke hawaale karne ke liye aapna iNtehaayi shukurguzaar hooN , mayaari qalaam apna pataa meeloN door se diya karta hai yahi aapki is pur-asar Ghazal ka maqaam hai
ummeed hai aapse mulaqaat hoti rahegi
rab raakha
maikash
.........................................
is tarhe teri yaad meiN har shaam dhaley hai
goyaa koyi nagin si kalejey pe chaley hai
maikash
...............................