Vikas bhai Ameer Minaai saab ki hi misaal detaa hoon...
ek ghazal hai kuch yoon...
us kii hasarat hai jise dil se miTaa bhii na sakuu.N
Dhuu.NDhane us ko chalaa huu.N jise paa bhii na sakuu.N
isi me ek sher hai...
bevafaa likhate hai.n vo apanii kalam se mujh ko
ye vo qismat kaa likhaa hai jo miTaa bhii na sakuu.N
mere khyaal se ab kalam ke muannas hone ki daleel saaf hui hogi... aakhir usi shaayar ki misaal de di jise aap naqaab ke liye daleel-e-aala maan rahe hain....
waise kuch aur misaaleN hain... kahiye to bata deta hoon..
meri kalam pe zamaane kii gard aisii thii
ke apane baare mai.n naa kuchh bhii likh sakaa yaaro
Waseem Barelvi
Naqaab ke muzaqqar hone ki chand aur misaaleN...
"Shakeel" apane mazaaq-e-diid kii takamiil kyaa hotii
idhar nazaro.n ne himmat kii udhar ruKh par naqaab aayaa
Shakeel badayuni..
Dekhe baGhair haal ye hai iztiraab kaa
kyaa jaane kyaa ho pardaa jo uTThe naqaab kaa
Asar sahbai....
i think now this will be sufficient................
