vahii phir mujhe yaad aane lage hain .. -
26th July 2003, 08:50 PM
vahii phir mujhe yaad aane lage hain
jinhen bhulaane mein zamaane lage hain
unki aankhon ke gehre bhawar mein
hum dil ka safina dubane lage hai
aaine mein darpan ubharta hai unka
ashqon mein bhi wo jhilmilane lage hai
diye the jo phool humne unko kabhi
meri saanson ko wo mehkane lage hai
ye kahanaa thaa un se muhabbat hai mujh ko
ye kahane mein mujh ko zamaane lage haiin
bandagi karne se bhi Khuda nahin milta "Kureel"
muhabbat mein hosh ab Thikaane lage hain
-Manoj Kureel
|