Mehboob Se Shikwa! By Ishaque Sajid (Germany) -
26th July 2014, 01:03 PM
badi ithla rahi ho, gaa rahi ho
batao kyun humaiN tarpa rahi ho
jawaN ho husn se mamoor ho tum
pari ho maiN ne maana hoor ho tum
magar kyun is qadar maghroor ho tum
qareeb aane se bhi katraa rahi ho
batao kyun humaiN tarpa rahi ho
batao kyun sataane per tulli ho
musalsal zulm dhahane per tulli ho
humaiN peham rulane per tulli ho
maza iss kaam meiN kia paa rahi ho
batao kyun humaiN tarpa rahi ho
qareeb aao kabhi tum door jao
ke rukh phero kabhi tum muskurao
anghota hum bulayen to dikhao
sitam hum per barabar dha rahi ho
batao kyun humaiN tarpa rahi ho
pata hai chaar din ki hai jawaani
kahani hai yeh do din ki kahani
ke ho jati hai hur ik shay puraani
hamare pyar se ghabra rahi ho
batao kyun humaiN tarpa rahi ho
- Ishaque Sajid (Germany)
*hSn* : parStaar
tumhara shoq dekha to ghazal hum ne nazar kar di!
kabhi fursat meiN sun lena, bohat ashaar baqi haiN... ("Asad")
|