4th July 2014, 02:36 AM
DostoN ... Aadaab .... Ek koshish pesh hai mukhtasar si nazm ki shakl meiN ...
fasurda shaam aur us par fusooN ye teri yaadoN ka
kaha tha waqt-e-rukhsat tu ne kya dhuNdhla gaya hai ab
zara sa bhi n baaki hai khumaar ab teri baatoN ka
ye tera lams baagh-e-dil meiN tha jo phool sa khilta
khizaaN meiN hijr ki wo kis tarah murjha gaya hai ab
koyee bhoola fasaana hai naheeN jis ka nishaaN milta
magar kamzor hoti yaad aur bhi dil dukhaati hai
haqeeqat se guzar aaye fusooN meiN jaan jaati hai
- zarraa
maiN rehnuma ke kahe raastoN se door raha
mera maqaam sada manziloN se door raha
|