Quote:
Originally Posted by Sagar Aashna
KhushbuoN meiN lipta hua shabaab aaya hai
Aaj mere pehle khat ka jawaab aaya hai
ShokhiyaN haiN, rangat aur mehak hai fiza meiN
Chhoo kar unn ke Dahan ko gulaab aaya hai
Roshan haiN aaj sarbasar, dil ke dar-o-baam
Falak se utar kar, mahtaab aaya hai
Toot kar hai chaha unn ko dil ne baar baar
Pyaar unn ke waaste be-hisaab aaya hai
Unn ki ek jhalak dekhi aankhoN ne iss qadar
ToofaN uThay haiN dil meiN, inqalaab aaya hai
Bhatakte rahe hum yuNhi sehra meiN ab talak
Bil-aakhir qareena-e-intekhaab aaya hai
Tanhaayi meiN Jiya hai Sagar ab tak iss tarha
Subh-o-shaam ashkoN ka sailaab aaya hai
1. Dahan= mouth
2. Sarbasar= completely/from one end to the other
3.Dar-o-baam= doors & ceiling/terrace
4. Mahtaab= moon
5.Qareena= Tareeqa/dhang
6.intekhaab: selection/choice
7.Sailaab: Flood
|
Sagar ji
Behatarin eskq ke darmiyan aapne pesh kiye hain.. laga ki sach mein kuchh tufaan aaya hai.. pahale pyar ka pahala paigaam aaya hai.. YuN dilo ko roshan kerte rahiye aur esq me ji bher gote lagaiye..
Shubhkamnao sahit,
Akant...