Quote:
Originally Posted by sameer'shaad'
mere ashqoN kii qataaroN me jis kaa chehraa hai,
dil-e-naadaaN kaa muqaddar usii pe Thah'raa hai.
tamaam umr miTaaoge miT sakegaa nahii,
ye rang mohabbat kaa bahot gahraa hai.
khabar uDaa do zamaane me merii maiyyat kii,
wo yoon na sunegaa, zaraa saa bahraa hai.
use khayaal me laanaa bhi ab to mushkil hai,
baDaa hi keemtii hai laakh us pe pahraa hai.
sunaa hai "Shaad" wahaaN Phool khila karte hain,
tumhaare ghar me to veeraaniyaaN haiN sahraa hai.
Shaad....
|
Waaaah waaah.....kya khoob likha hai shaad bhai. Maza aa gaya.
Daad kubul farmayeN
Aapka apna
Bhushan