[Hassan]

India meiN aik jaga mushaaira ho raha tha.. Shuaa’ra ko radeef diya gaya:-

“dil bana diya”

sab se pehle Haider Dehlvi saahab ne is radeef ko youN istemaal kiya:-

ik dil pe khatam qudrat-e-takhleeq ho gayi!
sab kuch bana diya jo mera dil bana diya….

is sher per aisa shoor macha ke bas ho gayi…hazireen ka khiyaal tha ke is se behtar girah kon laga sake ga?

Haider Dehlvi saahab abhi apne sher ki daad samait hi rahe the ke Jigar Muradabadi saahab ne is radeef per aisi girah lagayi ke log Haider Dehlvi saahab ka sher hi bhool gaye… unhoN ne kaha:-

be-taabiyaN samait ke sare jahaN ki!
jab kuch na ban saka to mera dil bana diya...