14th September 2006, 07:24 AM
muhtarim musharrafhusain saahab
aapke khat ka jawaab dene meiN hui ta'khiir ke liye nihayat sharmiNdaa aur mazrat'khwaa huuN....aadaab tasleem kijiye
aapka tabsira mere liye bohat mayine rakhta hai aur aap har dafaa mujh na'ehl ki betahaasha hausla afza'ii karte haiN...aapki muravvat ka jitna bhi shukurguzaar ho ke dikhaa sakuuN, kam hoga
taalib-e-ilm huuN isliye aapse ek darkhuvaast hai ke izzat-o-hausla afza'ii ke saath agar aap kaavish par ek taNqiidi nazar bhi daal liya kareiN to mujhe badi madadd milegi, urdu adab meiN tabadlaa-e-khayaal hi ek aisa zariya hai jis se naye nuskhe, tarqeebeiN aur laGhziishoN ka ehsaas hota hai....
ummiid hai aap meri guzaarish par gaur farmaayeNge
shurkiya
khair aNdesh
maikash
.........................................
is tarhe teri yaad meiN har shaam dhaley hai
goyaa koyi nagin si kalejey pe chaley hai
maikash
...............................
|