View Single Post
Ae dil ki khalish
Old
  (#1)
abhiforeverin
Registered User
abhiforeverin will become famous soon enoughabhiforeverin will become famous soon enough
 
Offline
Posts: 45
Join Date: Nov 2013
Rep Power: 0
Ae dil ki khalish - 10th December 2013, 08:15 PM

Ae jazba-e-dil, gar main chahun,
har cheez muqabil aa jaye
Manzil ki taraf do gaam chalun
Aur saamne manzil aa jaye

Ae dil ki khalish chal yun hi sahi
chalta to hoon uski mehfil mein
us waqt mujhe chonka dena
jab rang pe mehfil aa jaye

Ae rahbar-e-kamil , chalne ko tayyar to hoon
par yaad rahe
us waqt mujhe bhatkaa dena
jab samne manzil aa jaye

Is ishq mein jaan ko khona hai
matam karna aur rona hai
main jantaa hoon jo hona hai
par kya karoon jab dil aa jaye

Haan yaad mujhe tum kar lena
Awaz mujhe tum de lena
is rah-e-mohabbat mein koi
darpesh jo mushkil aa jaye

Ab kyun dhoondhon eoh chashm-e-karam
hone de sitam bala-e-sitam
main chahta hoon ae jazba-e-gham
mushkil pas-e-mushkil aa jaye


"BEHZAD LAKHNAVI"
   
Reply With Quote