View Single Post
reps +++ added
Old
  (#12)
sunita thakur
Moderator
sunita thakur is the among the best Shayars at Shayri.comsunita thakur is the among the best Shayars at Shayri.comsunita thakur is the among the best Shayars at Shayri.comsunita thakur is the among the best Shayars at Shayri.comsunita thakur is the among the best Shayars at Shayri.comsunita thakur is the among the best Shayars at Shayri.comsunita thakur is the among the best Shayars at Shayri.comsunita thakur is the among the best Shayars at Shayri.comsunita thakur is the among the best Shayars at Shayri.comsunita thakur is the among the best Shayars at Shayri.comsunita thakur is the among the best Shayars at Shayri.com
 
sunita thakur's Avatar
 
Offline
Posts: 15,199
Join Date: May 2006
Location: Chandigarh (Mohali)
Rep Power: 63
Thumbs up reps +++ added - 4th May 2019, 11:37 AM

Quote:
Originally Posted by Sagar Aashna View Post
Arbab-e-sukhn, 'kanya bhroon hatya' (female foeticide) naam ka ek marz humare muashre ko khaaye ja raha hai..ek nanhi si guRiya, jo abhi iss duniya meiN nahi aayii hai, uska dard bayaan karne ki koshish pesh kar raha hooN.
Ilfaaz ka intekhhab itna baRhiya nahi hoga, lekin jazbaat ko paRhne ki koshish kijiyega. Aur apni besh qeemti aara'a zaroor rakhiyega.


MaiN nanhi si guRiya hooN, khushiyoN ki maiN puRiya hoon
HansuNgi hansaauNgi, maiN khushiyaN le kar aauNgi
main khushiyaN le kar aauNgi, maiN khushiyaN le kar aauNgi..

Par... ... ... ...

Yeh kya karne lage haiN log, mujhe pakaRne lage hain log
kyuN mujhe yeh maar rahe haiN, dekho toh dhikkaar rahe haiN
MaiN bhii jeena chahti hooN, par cheekh kise sunauNgi
main khushiyaN le kar aauNgi, maiN khushiyaN le kar aauNgi

Taras mujh pe khaao maaN, papa ko samjhao maaN
Poore karuNgi saare sapne, garv kareNge mujh pe apne
Ek baar tum mauqa de do, ghar ka maan baRhaungi
maiN khushiyaN le kar aauNgi, maiN khushiyaN le kar aauNgi

Dard sabhi ka jaanuNgi, kehna sab ka maanuNgi
Ooncha aapka sar hoga, khushiyoN bhara ghar hoga
Bete jo bhi karte hain woh sab kuchh kar dikhauNgi
main khushiyaN le kar aauNgi, maiN khushiyaN le kar aauNgi

Koii toh sun lo meri pukaar, de do mujh ko thoRa sa pyar
Bhaiya ka khilona ho, ya phir chaandi sona ho
waada karti hooN sabhi se, haath na maiN lagauNgi
main khushiyaN le kar aauNgi, maiN khushiyaN le kar aauNgi

Kya laRki hona gunaah hai, jo itni baRi sazaa hai?
SaanseiN meri rok rahe ho, zara bhi nahi soch rahe ho
Dard mujhe jo ho raha hai, kisko maiN sunauNgi
main khushiyaN le kar aauNgi, maiN khushiyaN le kar aauNgi

Main.ne toh yeh socha thaa, jaise bhaiya chhota thaa
MaaN ki aaNkh ka taara thaa, daadi ko bhi pyara thaa
Waise he toh maiN bhi sab ki laadli ban jaauNgi
maiN khushiyaN le kar aauNgi, maiN khushiyaN le kar aauNgi

MaaN tum bhi toh laRki ho, phir kyuN nahi samajhTi ho
LaRki he jab na hogi, duniya phir yeh kahaN hogi
Apne komal haaThoN se maiN khaana tumheiN khilauNgi

Jab bukhaar hoga tum ko, sar-maatha dabauNgi
Kuchh din apne saath toh rakh lo, phir parayii kehlauNgi
BooRhi jab tum ho jaogi, haal poochhne aauNgi
Waada karti hooN, tumhara dil kabhi na dukhauNgi
KhushiyoN ki maiN puRiya hooN, khushiyaN le kar aauNgi,
maiN khushiyaN le kar aauNgi.

SAGAR AASHNA

Bhai...arse baad aapki es nazm par nazar gye, nazm kya yeh to aapne dil hi nikaal kar rakh diya...bahut kismat wale hote hai log jinko beti ka pyar naseeb hota hai. har baat bahut saleeke se aur bahut stick sabdoN mein kahi, dil ke khaas kareeb rhi yeh nazm.
aur es behtar nazm ke liye aap points ke haqdaar ho.
meri taraf se aapko reps +++ added

duaoN ke saath
aapki dii

sorry reps points abhi add nahi ho rhe...koi baat nahi dil se to aapke liye add kar diye maine


~~~~~~~~~~~~~~~~~~~~~~~~


.....Sunita Thakur.....

यह कह कर मेरा दुश्मन मुझे हँसते हुए छोड़ गया
....के तेरे अपने ही बहुत हैं तुझे रुलाने के लिए...


   
Reply With Quote