View Single Post
Krishna ki chetavani
Old
  (#1)
vikramjethi
masttt...
vikramjethi is the among the best Shayars at Shayri.comvikramjethi is the among the best Shayars at Shayri.comvikramjethi is the among the best Shayars at Shayri.comvikramjethi is the among the best Shayars at Shayri.comvikramjethi is the among the best Shayars at Shayri.comvikramjethi is the among the best Shayars at Shayri.comvikramjethi is the among the best Shayars at Shayri.comvikramjethi is the among the best Shayars at Shayri.comvikramjethi is the among the best Shayars at Shayri.comvikramjethi is the among the best Shayars at Shayri.comvikramjethi is the among the best Shayars at Shayri.com
 
vikramjethi's Avatar
 
Offline
Posts: 2,145
Join Date: Sep 2009
Location: Chandigarh
Rep Power: 36
Exclamation Krishna ki chetavani - 5th February 2010, 09:19 PM

Krishna ki chetavani

Dosto, aap sab ko mera namaskar…!
Krishna ki chetavani, Raamdhaari Singh Dinkar ji dwara likhi gayee ek behad khoobsurat kavita hai….isme unhone kauravoN ke liye Krishana ki chetavani ko darshaya hai….behad umda tariqe se….mujhe yeh kavita khoob pasand aayee, aapko bhi zaroor pasand aayegee…..thodi lambi hai, dheeraj se padhiyega…

x-x-x-x-x-x-x-x-x-x-x-x-x-x-x-x-x-x-x-x-x-x-x-x-x-x-x-x-x-x


varsho tak van me ghoom ghoom
badhaa vighno ko choom choom
seh dhoop ghaam paani patthar
pandav aaye kuchh aur nikhar

soubhagya na sab din hota hai
dekhen aage kya hota hai

maitri ki raah dikhane ko
sab ko sumarg pe laane ko
duryodhan ko samjhane ko
bheeshan vidhwans bachane ko
bhagwan hastinapur aaye
pandav ka sandesha laaye

do nyaay agar to aadhaa do
par isme bhi yadi baadha ho
to de do kewal paanch gram (gram = village)
rakho apni dharti tamaam

hum vahin khushi se khayenge
parijan pe asi na uthayenge (asi = hathiyaar)

duryodhan woh bhi de na saka
ashish samaj ki le na saka
ulte hari ko bandhne chala
jo tha asadhya sadhne chala

jab naash manuj par chhata hai
pehle vivek mar jata hai

hari ne bheeshan hunkar kiya
apna swaroop vistar kiya
dagmag dagmag diggaj dole
bhagwan kupit hokar bole

janjeer badhaa ab saadh mujhe
haa haa duryodhan baandh mujhe

yeh dekh gagan mujhme lay hai
yeh dekh pawan mujhme lay hai
mujhme vileen jhankaar sakal
mujhme lay hai sansaar sakal

amratva phhoolta hai mujhme
sanhaar jhoolta hai mujhme
sab janm mujhi se paate hain
phir laut mujhi mein aate hain

baandhne mujhe to aaya hai
janjeer badi kya laaya hai?
yadi mujhe baandhna chahe mann
pahle tu baandh anant gagan
soone ko saadh na sakta hai
wo mujhe baandh kab sakta hai?

hit vachan nahi tune maana
maitri ka moolya na pahchana
to le ab main bhi jata hoon
antim sankalp sunaata hoon

yaachna nahi ab rann hoga
jivan jai ya ki maran hoga
duryodhan rann aisa hoga
phir kabhi nahi jaisa hoga

bhai par bhai tootenge
vish-baan boond-se chutenge
saubhagya manuj ke phootenge
vaayas shrigaal sukh lootenge

thi sabhaa sann, sab log darre
chup they ya they behosh pade
kewal do nar na aghate they
dhrishtrashtra-vidur sukh paate they

kar jod khare pramudit nirbhay
dono pukaarte they jai-jai..


x-x-x-x-x-x-x-x-x-x-x-x-x-x-x-x-x-x-x-x-x-x-x-x-x-x-x-x-x-x


'E Taahire Laahuti!!!
Uss Rizk Se Tau Maut Bhali
Jis Rizk Se Aatee Ho
Tere Parwaaz MeiN Kotaahi....



vikramjethi@gmail.com
  Send a message via Yahoo to vikramjethi  
Reply With Quote