View Single Post
aik ChhoTa sa laRkaa the maiN jin dinoN!
Old
  (#1)
B.G.M.
Moderator
B.G.M. will become famous soon enough
 
Offline
Posts: 113
Join Date: Nov 2014
Rep Power: 5
aik ChhoTa sa laRkaa the maiN jin dinoN! - 15th January 2018, 04:28 AM


aik ChhoTa sa laRka tha maiN jin dinoN
aik mele meN pahunchaa hamaktaa hua

ji machalta tha aik aik shai pe magar
Jeb Khaali thi kuChh mol le nah sakaa
lauT aaya liye HasrateiN sainkRoN
aik ChhoTa sa laRka tha maiN jin dinoN

Khair, mehroomiyoN ke woh din to gaye
aaj melaa lagaa hai usii shaan se
aaj chaahuuN to ik ik dukaaN mol luuN
aaj chaahuuN to saaraa jahaaN mol luuN

naa-rasaa’ii ka ab jee meN dhaRkaa kahaaN
per woh ChoTaa sa alhaR sa laRka kahaaN!

~Ibn-e-Insha

==============================
   
Reply With Quote