[ufaq]

Mere saath- saath Jo tuu nahii'n meri zindagaanii azaab* hai.
Meri raat Ka tuu chiraagh hai ,meri subah kaa tuu gulaab hai.

Tune waise aye mere chaaraagar* meri umr-e-sozaa* badhaa to dii,
Kabhi fursato'n me'n tuu sochanaa ye ilaaj hai ki ataab* hai.

Tujhe naaz hai teri tegh* par , mujhe fakhr hai meri aah par
Merii zindagii jahaa'n khatm hai ,Teri zindagii bhii kharaab hai.

Meri aa'nkh me'n Tere aa'nsuuo ko likhaa gayaa thaa bahisht* me'n,
Ye jugo -jugo kii hai'n nisbate'n* , ye janam-janam kaa hisaab hai.

Yahii ek rabt* Sadaa-sadaa , Tere mere biich banaa rahaa,
Mai'n sawaal thaa main sawaal huu , tuu jawaab thaa tuu jawaab hai.

Tujhe khudNumaaii Ka shauq hai , mujhe jagha'nsaaii Ka khauf hai,
Mai'n varaq* huu jiskaa phataa huya, tuu khulii huyii wo kitaab hai.

Kahii'n kuch badal gayaa kuch nahii'n, kahii'n kuch sudhar gayaa kuch nahii'n,
Wahii Sab to pahle saa hai ufaq , wahii chashm* hai wahii aab* hai.

#################################

Azaab = torment
Chaaraagar = doctor
Umr-e-soza = life full of sufferings
Ataab = harassment
Tegh = sword
Bahisht = heaven
Nisbate'n = relationships
Varaq = page
Chashm = eye
Aab = water