Dil Se Teri Nigah Jigar Tak Utar Gayi... (Mirza Asadullah Khan Ghalib saahab) -
17th September 2014, 12:51 PM
dil se teri nigah jigar tak utar gayi
donoN ko ik adaa meiN raza-mand kar gayi
shaq ho gaya hai seena khushaa lazzat-e-faraG
takleef-e-parda daari-e-zakhm-e-jigar gayi
khushaa=filled with joy
lazzat-e-faraaG=taste of freedom
wo baada-e-shabaanaa ki saramastiyaN kahaN
uthiye bas ab k lazzat-e-khwaab-e-sehar gayi
baadaa=wine
shabaanaa=night
saramastiyaa.N=activity/uchhal-kuud
uDti phire hai khaak meri kuu-e-yaar meiN
baare ab ae hawa, havas-e-baal-o-par gayi
kuu-e-yaar=friend/lover's street
baare=at last
havas-baal-o-par=desire to fly/uDane kii chahat
dekho to dil farebi-e-andaz-e-naqsh-e-paa
mauj-e-khiraam-e-yaar bhi kia gul katar gayi
gul katar=showered flowers/phuul bikheranaa
farebi-e-andaaz-e-naqsh-e-paa=illusion of footprints
mauj-e-khiraam-e-yaar =lover's slow movement
har bulahavas ne husn parasti shi_aar ki
ab aabaruu-e-shewa-e-ahal-e-nazar gayi
bulahavas=greedy
shi_aar=habit
aabaruu-e-shevaa=manner of respect
nazzaare ne bhi kaam kiya, waaN naqaab ka
masti se har nigah tere rukh par bikhar gayi
farda-o-din ka tafarruqaa yak baar mit gaya
kal tum gaye ke hum pe qayamat guzar gayi
fardaa=past
deen=future
tafarruqaa=difference
maara zamaane ne 'Asadullah khan" tumheN
wo walwale kahaN, wo jawaani kidhar gayi
walwale=enthusiasm/passion
-Mirza Asadullah Khan Ghalib
http://www.dailymotion.com/video/x1x...tar-gayi_music
(must watch/listen)
*hSn* : parStaar
tumhara shoq dekha to ghazal hum ne nazar kar di!
kabhi fursat meiN sun lena, bohat ashaar baqi haiN... ("Asad")
Last edited by Hassan; 17th September 2014 at 01:17 PM..
|