[meena chheda]

Ek barsati subah maie, apni hathheli maie
Pani ko girte sarkte dekhti rahi......
Aur mere is khel ko door se tum dekhte rahae.
Meri to sukh ki kalpna bas itni si....
Tum paas aaye aur sukh to ....
Mere pichhe pichhe daudta aaya.
Dophar hui, hawa maie asar thhi barsaat ki
Maine tumse puchha... bataaw to
Meri muthhi maie kya hai???
Tum muskuraaye aur kaha.....
Tera aur mera. Hum dono ka sukh.
Aur sukh to aa khada huaa mere paas hi.
Meri to sukh ki kalpna bas itni si....
Tum muskuraayae aur sukh to....
Chhalkne laga meri muthhi maie.
Shaam to aayi khalipan si, aur aashmaan bhi khali
Hathheli bhi khali-khali aur ....
Pani ki tarah sukh bhi sark gaya sarsar....
Aankh se barsa sawan par oonhae
Tumne nahi thhama, tumhara sukh alag
Aur mera sukh alag,
Meri to sukh ki kalpna thi bas itni si..
Phool bhi nahi maangi thhi nanhi kali si
Par sukh to daud gaya mere aagae aagae..
Raat hui, aur maine jana
Sukh nahi koi kalpna maie aur nahi kisi ke sathh maie
Sukh to hai apne hi apne rishte maie
Hum jo haste hai wo hai sukh
Hum jo jitae hai wo hai sukh
Aashmaan maie tarae zilmilaaye
Maine dekha....... sukh to muskurata huaa
Aa baithha mere man vishaal maie.