|
|
~$uper M0der@tor~
Offline
Posts: 8,417
Join Date: Feb 2006
Rep Power: 61
|
7th June 2015, 09:12 PM
Quote:
Originally Posted by Sagar Aashna
KhushbuoN meiN lipta hua shabaab aaya hai
Aaj mere pehle khat ka jawaab aaya hai
ShokhiyaN haiN, rangat aur mehak hai fiza meiN
Chhoo kar unn ke Dahan ko gulaab aaya hai
Roshan haiN aaj sarbasar, dil ke dar-o-baam
Falak se utar kar, mahtaab aaya hai
Toot kar hai chaha unn ko dil ne baar baar
Pyaar unn ke waaste be-hisaab aaya hai
Unn ki ek jhalak dekhi aankhoN ne iss qadar
ToofaN uThay haiN dil meiN, inqalaab aaya hai
Bhatakte rahe hum yuNhi sehra meiN ab talak
Bil-aakhir qareena-e-intekhaab aaya hai
Tanhaayi meiN Jiya hai Sagar ab tak iss tarha
Subh-o-shaam ashkoN ka sailaab aaya hai
1. Dahan= mouth
2. Sarbasar= completely/from one end to the other
3.Dar-o-baam= doors & ceiling/terrace
4. Mahtaab= moon
5.Qareena= Tareeqa/dhang
6.intekhaab: selection/choice
7.Sailaab: Flood
|
Saagar saahab tak shaad kaa aadaab pahuche......... bhai aap ne to jaise kamaal likh diyaa ho... kitnii hi baar padh gayaa hoon dilkash pur asar kalaam ko, par abhii bhi lag rahaa hai ke dil nahii bharaa .... tahe dil se daad aapki khidmat me pesh hain........
Likhte rahiye
Shaad.....
|
|
|