dil -e- naadaaN tujhe huaa kyaa hai
ishq ne zil'lat k siwa diyaa kyaa hai
bavalaa naam pad giya hai mohallay meiN
kam-ba-khat maari se aur milaa kyaa hai?
chemistry ke paper meiN likhta raha Shayri!
phir ustaad ki pitaayi k siwa sazaa kyaa hai?
baad thukaayi ke maiN pohncha tabeeb k paas
mera haal dekh kar poocha maajraa kyaa hai?
tabeeb ne parchi per likh diya ishq ka bukhaar
phir kaha, tujhe pata hai teri dawaa kyaa hai?
bhaid khula ke tajveez kiya hai dedaar-e-yaar
socha ab zaleel hone k ilawaa charaa kyaa hai
scooter nikalaa aur jaa pohncha yaar ki gali
log chil'laaye pagal tu yahan kartaa kya hai?
maiN wahan se dumm daba ke bhaag nikla
tab jaana, manhoos yaar meiN rakhaa kya hai? 
bavalaa = insane
kam-ba-khat = unfortunate and wretched
tabeeb = physician
parchi = prescription
bhaid = mystery
tajveez = suggest
jaana = know
manhoos = unlucky