|
|
~$uper M0der@tor~
Offline
Posts: 8,417
Join Date: Feb 2006
Rep Power: 61
|
2nd February 2017, 07:15 PM
Quote:
Originally Posted by maikasH
PindaaN waali mauj nai labhdi
Yaaran di oh fauj nai labhdi
Kalle manjaa dhaa baithe aaN
"Sandhua" kitthe aa baithe aaN!
.................................................. ...
bazm-e-sukhan sajaao tabiyat udaas hai
yaaro, Ghazal sunaao, tabiyat udaas hai
mai ho ke dawaa ho ye maraz la-ilaaj hai
saaqi zahar pilaao, tabiyat udaas hai
deen-o-haram ki baat kisi aur din sahi
vaiiz, galey lagaao, tabiyat udaas hai
voh aa rahe haiN phir se aaj yaad baar baar
kaaGhaz-qalam uThaao, tabiyat udaas hai
har ashq ne dam toDne se peshtar*, kahaa
“maikash” :unheN: bulaao, tabiyat udaas hai
*peshtar = before, pehle
rab raakha
maikash
|
maikash bhai tak shaad ka aadaab pahoNche.....
ummeed karta hoon khairiyat se honge, aaj aapki is taazaa tareen ghazal pe nazar gayee to main khud ko maikash mahsoos kar raha hoon...
dil ko itnaa sukoon mil raha hai aapke kalaam ke lafz lafz se ke bayaan nahi kiyaa ja sakta, bas use mahsoos karke sukoon paaya jaa sakta hai....
aapki kalam me waaqai jaadu sa hai koii..... ham khushnaseeb hain jo aap jaise aalaa shayaron ki sohbat me pal rahe hain seekh rahe hain....
mujh haqeer ki naaqis daad qubool kijiye.....
tashreef laate rahiye.... apna khayaal rakhiye.. likhte rahiye
Shaad....
|
|
|