Quote:
Originally Posted by sameer'shaad'
MohabbatoN kaa in'aam likh dooN,
kaho tumhaara kyaa naam likh dooN.
Khudaa ki qudrat O gul kii suurat
tumhaare jalwe tamaam likh dooN.
samajh sakogii kyaa dil kii haalat
agar jo Khat me salaam likh dooN.
karooN ibaadat sanam kii apne,
to kyuN na khud ko imaam likh dooN.
agar jo pooche merii haqeeqat,
main khud ko teraa Gulaam likh dooN.
izhaar karne ki do gar ijaazat,
main husn e lab pe kalaam likh dooN.
ye zulfeN ye kaajal na maar Daalen,
bharee dupahrii ko shaam likh dooN.
na raas aaye sharaab ham ko
nasheelii aankhoN ko jaam likh dooN.
tujhe dekhte hain raqeeb aksar,
tujhe dekhne ko haraam likh dooN.
kahaaN ka shaad aur kahaan ke jalwe
main khud ko shaayar anaam likh dooN.
Shaad....
|
Kyaa baat huzoor !
As always, rock on. Bohot umdaah asha'ar huye haiN.
Bohot bohot mubarakbaad !
Likhte rahiye.