kin lafzoN maiN itni karwi, itni kaseeli bat likhoN
sh'air ki maiN tehzeeb nibhaoN ya apne haalat likhooN
gham nahiN likhooN kia maiN gham ko? jashn likhooN kia maatam ko?
jo daikhay haiN maiN ne janazay kia unko baarat likhooN?
kaisay likhooN chand k qissay, kaisay likhooN phool ki bat
rait uraye garm hawa to kaisay maiN barsaat likhooN?
apni apni taareeki ko log ujala kehtay haiN
tareeki k nam likhooN to qaumaiN, firqay, zat likhooN
janay kaisa dor hai jismaiN yeh jurrat bhi mushkil hai
din ho gar to usko likhooN, rat agar ho rat likhooN