18th April 2002, 03:15 PM
tanhadil sahab
aapne jis qadar khaaksaar ko izzat baKshi hai uske jawaab meN "shukria" jaisa lafz bohat choTa paD raha hai......phir bhi meri tasalli ke liya tah'e'dil se mera shukria kabool kijiye.....
guzishtaa chaNd dinoN se shayri.com ko ziyada waqt nahiiN de pa raha huuN jiska ki mujhe kitna afsos hai ye Ghaaliban mere ilaawa shayad ki koi bataa sake.....haalaat hi kuch aisey haiN ke ..kya kahiye...do-ek dostoN se muKhtsar si dua-salaam ho jaati hai vohi ganiimat samjhiye
phir se ek baar aapka dil ki gehraiiyoN se shukarguzaar huuN jo aapna itna hausla baDhaya....koshish karuNgaa ke jald hi koi ghazal mehfil ki nazr karuuN
aadaab
maikasH
.........................................
is tarhe teri yaad meiN har shaam dhaley hai
goyaa koyi nagin si kalejey pe chaley hai
maikash
...............................
|