Quote:
Originally Posted by aru
For one of my friend.......
Jaanta tha ek din
Tum bhi badal jaoge
Yun nazrein chipa ke
Saamne se Nikal jaoge
par kabhi kaha nahin
Kaha nahin kabhi tumse
Kee tum bhi waqt ke saath
Hawaon ke rukh ke saath
Apna rukh badal loge
Badal loge tum apne
Chehre kee maasumiyat ko
Apne andar kee insaniyat ko
Aur bheed mein kho jaoge
Kho jaoge ek aise jahan me
Jahan aaine bhi jhoote hain
samandar bhi sookhe hain
Aur tum bhi isme fans jaoge
Fans jaoge apni hee bisaat mein
Kabhi na khatm hone wali raat mein
Lagegi kami jab tumhe har baat mein
Tab bheed mein apne ko talashoge
Talashoge apni masoon se baaton ko
Kaagaz ke naav wali barsato ko
fursat mein hui do mulakaton ko
Jinhe tum bahut peeche chhod aaye......
|
bahot khoob peshkash Aru bhaii.......... dard me doobaa kalaam pesh kiya hai aapne is baar...... aapke dil ka dard bayaan karta huaa, mere alfaaz saath na de sakenge iskii tareef ke liye..... khush rahiye, salaamat rahiye, aur apna kahyaal rakhiye.....
tanhaaiyon ke saath he jeena hai ab hame,
kuch dost jaa chuke hain bahot door nazar se.........
likhte rahiye
Shaad.....