[Hassan]

Adaab hazireen-e-mehfil-e-ishQ,

Hum in dinoN Zarraa saheb ki sarbarahi meiN meHfil-e-fusoon-e-alfaaz
meiN alfaaz nasheeb-o-faraaz per ghaur kar rahe haiN,
ussi per aik ishQ 'koshish' pesh-e-khidmat hai:-


guzre haiN zeest meiN janay kese kese nasheeb-o-faraaz
zikr hua hai to batlaatay haiN kese hua pyar ka aaghaaz

pan-ghat pe mili alhad si mutyaar, jis pe hum dil the gaye haar!
Qurbat hi faQt matloob rahi, dil meiN kabhi rakhi na koi aaz

faQt : only, just
aaz : desire

tamaam lawaazim us ke rakhe apne sir pe aur chal pad’ay!
daR tha woH uktaa na jayeN raste meiN, hum ban gaye laffaaz

lawaazim : baggage
laffaaz : one who talks too much

lazim tha ke zindagi ik dosray ka aasra ban ke basar karte
kiya waada, rakheN ge aise aap ko jese aap koi Khuda-saaz

Khuda-saaz : God’s gift

‘parStaar’ naazaaN hai bohat apne pyar pe aur ba-zidd hai ke!
dil masroor rahe taa-umr gar paas rahe woH nau-bahaar-e-naaz

naazaaN : proud, arrogant
taa-umr : life long
nau-bahaar-e-naaz : lover