Quote:
Originally Posted by Madhu 14
Kahte the hamse kabhi vo
Dil me ek hasrat jagi hai
aao hai mausam gazab ka
Aur barish ruk gayi hai..
Khatm apna ye safar ab
Door jane ki ghadi hai
Chal diye vo itna kahkar
Aur barish ruk gayi hai
Abra sare boondon wale
Koi aandhi le udi hai
Chup sa hai har ek nazara
Aur barish ruk gayi hai..
Dard itna badh gaya ab
Khushk ankhon ki nadi hai
seene me kuch chan se toota
Aur barish ruk gayi hai..
Yun lage pairon ke neeche
part sholon ki bichhi hai
Kano me chubhte hain nashtar
Aur barish ruk gayi hai..
Chal madhu kab tak rukegi
Door tak koi nahi hai
Lautne ka vaqt bhi hai
Aur barish ruk gai hai...
Madhu...
|
Bahut hi khoobsurat nazm hui hai is baar, dheeron daad aapko Madhu aur aise ki ehsaas aur rawaangi badhti rahe yahi dua rahegi