[masti]

Originally Posted by sunita virender

Rajinder ji

aaj-kal log ladke aur ladkiyoN ko siksha aik jaisi dilwa rhe hai, unka khaan-paan, sab aik jaisa hai...meri b 2 betiyaa hai...kahin koi kami nahi rekhte ham unki jaroortoN ko poori karne meiN...phir bhi...kabhi na kabhi kahin na kahin...koi keh hi deta hai ki hai to betiyaa hi...jitna marji kar lo bete nahi ban sakti yeh main es baat se sehmat nahi hoti hu kabhi bhi.

aap es baat se kahan tak sehmat hai...kya unka aisa kehna sahi hai ?

muaaf kijiyega............main beech mein apni taang lekar aa gayi.

Magar aisa logon par mujhe bout gussa aaata hai jo dusre ki dukhti rag par haath rakhte hain. jaan kar koi na koi aisi baat keh dete hain jo chubh jaaye.
inhi logo se aap puchiye ki unke bete unke liye kya kar rahe hain to niruttar ho jayenge.

aksar dekha hai ki doosra bacha ladki ho to mubarak bhi aise denge ki shok prakat kar rahe hon....haye duja munda ho jaanda te family complete ho jaandi..........aise logo ko jawaab dena bohut zaruri ho gaya hai.

aur jawaab ye hai ki bete ho ya beti aap apna karm karo aur apka karm hai dono ko ek samaan palna bina kisi iccha ke.....baaki jeewan mein sukh likha hai to beti se bhi mil jayega aur dukh likha hai to chaar bete bhi jeena haraam kar denge. aur baghbaan film bhi dikha do.......lol

sorry main bhi doosri beti hun aur mujhse pehle ek bhai ho kar guzar gaya tha......to mere aane par bhi zyada khush koi nahi tha......hahaha . haan ye baat alag hai ki sabse zyada pyar bhi maine hi paya aur mere papa jitna close mujhse hai kisi aur se nahi hain.

Maine bhi bachpan se yahi suna tha logo se mere papa ko kehte hue ki haaye do do betiyon ki shadi karni padegi bada bhari kaam hai.....and all. jiska jawaab mere papa humesha yahi kehkar dete the ki betiyan apni kismat lekar aati hain.

Aur apni shadi par meri yahi koshish thi ki main apni shadi ka pura kharch khud uthaoon taaki jo log aisa bol bol kar jeena haraam karte hain humesha ke liye chup ho jaayein aur phir kisi aur ko tang na karein.................