khamoshii -
19th January 2016, 01:49 PM
Roz ki tarah hee din tha aaj bhi kuch naya nahi tha.vibha ghar ke kamo me se vaqt chura kar kuch padhne baith gayi thi kuch hee to shauk the uske..unme se ek ye bhi tha..purane gane chal rahe the radio pe aur is vaqt jo gana tha vo pahla gana tha jo kabhi ek saheli ke muh se suna tha aur uske baad purane gano ki deewani ho gayi thi vibha..
Aapki nazron ne samjha
Pyaar ke qabil mujhe.......
Gunguna hee rahi thi ki kisi ke hasne ki awaaz aayi oh pados ke ghar ki beti thi...rajni... din bhar kisi na kisi baat pe hanse rahte hain bachche hogi koi baat...par na jane kyun unke chehre par nazar thahar gayi vibha ki...rajni ne sakpaka ke poocha kya hua aunty ?to hosh aaya nahi kuch nahi..bas aise hee kah kar andar aa gayi...unki beparwaah hansii us zamane me le gayi jab vo bhi usi umra me hua karti thi...fark itna tha,,ki itni bindaas vo tab bhi nahi thi...sahmi si apne me rahne wali ek seedhi si ladki...haan par saheliyon ke sang hansii mazzak bilul aisa hee tha..class me man lagakar padhna sports me part lena...teachers ki pyari...ek achchi student.......
papa ke tabadle ki vajah se har do teen saal me shahar to badalte hee rahte the...purane doston ke chhootne ka gam to tha..par naye logon se milna achcha bhi lagta tha...aur yahi aadat aaj tak bhi hai......shayad isiliye har tarah ke logon ke sath asani se adjust kar pati thi vo...aur har mahaul me khush rahne ka tareeka bhi dhoondh leti thi....shayad ise hee zindgi kahte the uski nazar me....
Zindgi ke is safar me jitne shahar utne hee log utni hee achchi buri yadein judti gayiin.....aaj jo yaad aaya vo bachpan se jawani pe kadam rakhne ka pahla ehsaas tha....vo umra thi jab rishte, ehsaas in sab ke mayne bhi nahi jante the ...ghar se school tak bas chupchaap me jana aur school se ghar tak usi tarah aana...vo sath hee aata jata tha...kyun ki ek hee colony me rahte the vibha aur ashish..haan yaad aaya yahi naam tha us bhole se ladke ka.. papa ke dost a beta tha...ek hee class me..kuch bolta hee nahi tha...buddhu kahti thi ladkiyaa...sharmaya hua hota tha jab bhi usko dekho..aur sab dost uski is sharm ko vibha se jod dete the...aur kya wakai aisa hai ye dekhne ke liye kai baar vo chupchaap uski taraf dekhti bhi thi sabse chhup chhup ke...ghabra sa jata tha vo vibha ko apni taraf dekhte pakar..aur uski is ghabrahat par khilkhila ke hans deti thi vo...
......aaj bhi yaad hai ek baar school nahi aaya tha vo to ghar jakar pata chala tabiyat theek nahi uski....apni books dekar aayi thi ki kaam kar lena aur...jab lautane aaya to usne ek thank you bhi nahi kaha...huhhh manners hee nahi kah kar chid gayi thi vibha......uski badi bahan shalini bahut pyaar karti thi vibha ko aur unse milne ke bahane ghar aana jana bhi ho jata tha...magar mazaal hai ek lafz bhi usne kaha ho..bas ghar se bahar chala jata tha chupchaap...ajeeb hee ladka tha.......jane kahaan hoga ab......
Us shahar se aane ke baad koi khabar nahi mili un logon ki...kabhi papa ke muh se uncle ka naam sun leti to kadam thithak jate par poochne ki himmat nahi huyi ki khaan hain vo log..ab to is baat ko barson ho gaye....par na jane kyun rajni ki ankhon me ladappan ki vo chamak dekhkar us umra ka ye qissa aaj taza ho aya....
Shayad usne bhi kahiin is khamoshi ko yaad kiya hoga.......ek muskurahat tair gayi vibha ke chehre par aur khayaal aaya ki bete ko school lene jana hai...radio pe gano ka doosra programme shuru ho gaya tha...ghadi ne dopahar ke 2 baja diye the....apni yadon ke pitare ko band kar vibha vapas lag gayi thi zindgi ki bhaag daud me......
nayi yadein batorne me...........
अर्ज मेरी एे खुदा क्या सुन सकेगा तू कभी
आसमां को बस इसी इक आस में तकते रहे
madhu..
Last edited by Madhu 14; 19th January 2016 at 01:54 PM..
|