[naresh_mehra110]

har haqiiqat majaaz ho jaaye
kaafiro.n kii namaaz ho jaaye

minnat-e-chaaraasaaz kaun kare
dard jab jaa.N navaaz ho jaaye

ishq dil me.n rahe to rusavaa ho
lab pe aaye to raaz ho jaaye

lutf kaa intazaar karataa huu.N
jor taa hadd-e-naaz ho jaaye

umr besuud kaT rahii hai 'Faiz'
kaash afshaa-e-raaz ho jaaye

--------------------------------------------


raaz-e-ulfat chhupaa ke dekh liyaa
dil bahot kuchh jalaa ke dekh liyaa


aur kyaa dekhane ko baaqii hai
aap se dil laga ke dekh liyaa

wo mere hoke bhii mere na hue
unako apanaa banaa ke dekh liyaa


aaj unakii nazar me.n kuchh hamane
sabakii nazare.n bachaa ke dekh liyaa

'Faiz', taqmiil-e-Gam bhii ho na sakii
ishq ko aazamaa ke dekh liyaa


-------------------------------------------------------

terii ummiid teraa i.ntazaar jab se hai
na shab ko din se shikaayat na din ko shab se hai

kisii kaa dard ho karate hai.n tere naam raqam
gilaa hai jo bhii kisii se terii sabab se hai

huaa hai jab se dil-e-naasabuur beqaabuu
kalaam tujhase nazar ko ba.Dii adab se hai


agar sharar hai to bha.Dake, jo phuul hai to khile
tarah tarah kii talab tere rang-e-lab se hai


kahaa.N gaye shab-e-furqat ke jaaganevaale
sitaaraa-e-sahar ham-kalaam kab se hai


[naasabuur=impatient]

------------------------------------------------------------------


tumhaarii yaad ke jab zaKhm bharne lagte hai.n
kisii bahaane tumhe.n yaad karne lagte hai.n


hadiis-e-yaar ke unavaa.N nikharne lagte hai.n
to har hariim me.n gesuu sa.Nvarne lagte hai.n


har ajanabii hame.n maharam dikhaa_ii detaa hai
jo ab bhii terii galii galii se guzarne lagte hai.n


sabaa se karate hai.n Gurbat-nasiib zikr-e-vatan
to chashm-e-subah me.n aa.Nsuu ubharne lagte hai.n


vo jab bhii karate hai.n is nutq-o-lab kii baKhiyaagarii
fazaa me.n aur bhii naGme.n bikharne lagte hai.n

[hariim - house] [maharam=acquaintance] [Gurbat-nasiib=those in exile; chashm=eye] [nutq-o-lab=speech and lips]

---------------------------------------------------------------------