Quote:
Originally Posted by Mujahid Ali
Bharosa zindagi ka kya ye aana aur jaana hai
Agar jeena hai pyare phir toh baar-e-gham uthaana hai
Mai aaya uss nagar mai jo ke anjaan-o-be-gaana hai
YahaaN laila nahi maujuud phir bhi dil lagaana hai
Zara mohtaat rehna muztarab phir se na ho jaana
Ajab hai shehar ye humdum anokha sa fasaana hai
Kisi ko chahiye daulat koee maangey yahaaN roti
Taqaaze hai alag sab ke dayaar-e-dil yagaana hai
Nigaah-e-shoukh se itna mutaasir bhi na ho yaara
Musaafat mai hi rehna voh adaaye kaafiraana hai
Tujhey apna bana lu mai hai itni si meri hasrat
Magar aye hum-nafas iss raah mai haail zamaana hai
Tujhey barbaad na kar de kahi aamaal hi terey
Tabaahi tay toh hai gar tera manzil baada-khaana hai
Kalaam-e-ishq pohche mulk ke har goshe goshe tak
Sukhan ke hi zariye mujh ko izzat hi kamaana hai
Ye andaaz-e-sukhan ko dekh kar kehne lagey yaara
Mujahid fitrat- e -aashiq tabeeyat shayaraana hai
• Baar-e-gham= burden of sorrow
• Mohtaat= cautious
• Muztarab= confused
• Taqaaze= demands
• Dayaar-e-dil= city of heart
• Nigaah-e-shoukh= mischevious eyes
• Mutaasir= impressed
• Musaafat= distance
• Haail= impediment
• Aamaal= practices
• Baada-khaana= bear baar
|
Kya baat janaab nacheez ki daad qubool farmaiye....niche bayaan alfaaz dil le gaye..
Tujhey apna bana lu mai hai itni si meri hasrat
Magar aye hum-nafas iss raah mai haail zamaana hai
Yunhi likhte rahiye