[sunita thakur]

Originally Posted by Taish

Chaliye collection meiN hum bhi izafa kar dete hain... pesh hai ik aur ghazal...



ai dost! tiri aankh jo nam hai to mujhe kya,
main khuub haNsunga tujhe gham hai to mujhe kya...

kya maine kaha tha ki zamane se bhala kar,
ab tu bhisazavar-e-sitam hai to mujhe kya...

haaN le le qasam gar mujhe qatra bhi mila ho,
tu shakl-e-arbab-e-karam hai to mujhe kya...

jis dar se nadamat ke siva kuch nahiN milta,
us dar pe tira sar bhi jo kham hai to mujhe kya...

maine to pukara hai mohabbat ke ufaq se,
raste me tire sang-e-haram hai to mujhe kya...

bhula to na hoga tujhe suqrat ka anjam,
haathoN meN tire saghar-e-sam hai to mujhe kya...

patthar na padeN gar sar-e-bazar to kahna,
tu mo'tarif-e-husn-e-sanam hai to mujhe kya...

main sarmad 0 mansur bana huuN tiri khatir,
ye bhi tiri ummid se kam hai to mujhe kya...

kya khoob gazal share ki hai aapne Lucky...accha lga aapko yahan dekh kar...aate rahiyega.

dii