Quote:
Originally Posted by Hassan
Adaab mehfil-e-fusoon-e-alfaaz,
aik puraani Ghazal pesh-e-khidmat hai,
Lafz azaab MaQte meiN numayaaN hai:-
lavaa mohabbat ka phoot pada, jab pehli baar tu khwaab hua
phir raatooN ki neend haram hui, mera rukh khuli kitaab hua
khalqat-e-shehr meiN ik chehre per nigaah jaa thehri...
us raat chaand ne karwat li, phir ussi ka chehra mehtaab hua
mehak uthaa mera aangan aur ujray chaman ko ranaayi mili
mukhra-e-jaan shabnam se tar-ba-tar ho kar rangat-e-gulaab hua
vasl ka hur lamha mukhtasir hua, phir hijr ne jese jakar liya
mera badan jhulasta giya, mere gham ka nagar shadaab hua
jab dard-e-tanhai ne shiddat ikhtiyaar ki, main be-tahasha ro diya
jigar se khoon tapakta raha aur "hSn" mubtala-e-azaab hua...
|
Waah !! Har sher mein ek naala ek fughaan aur ghazal pursoz !! Bahaut khoob !! Aur lafz "azaab" ka bhi khoob istemaal hua hai !! Dheron daad Hassan bhai !!