Quote:
Originally Posted by B.G.M.
https://youtu.be/-sLsi8FIKIU
~~~~~~~~~~~~~~~~~~~~~~~~~
dhyaan meN aa kar baiTh gaye ho, tum bhii naa!
mujhe musalsal dekh rahe ho, tum bhii naa!
de jaate ho mujh ko kitne raNg naye,
jaise pehli baar milay ho, tum bhii naa!
har manzar meN ab ham donoN hote haiN!
mujh meN aise aan basay ho, tum bhii naa!
'Ishq ne donoN ko yuuN ham-aamaiz kiyaa
ab to tum bhi keh dete ho, "tum bhii naa!"!
Khud hi kaho, ab kaise saNwar saktii huuN maiN?
aa'iine meN tum hote ho, tum bhii naa!
ban ke haNsi in hoNToN par bhii rehte ho,
ashkoN meN bhi tum behte ho, tum bhi naa!
meri baNd aaNkhaiN bhi tum paRh lete ho
mujh ko itnaa jaan chuke ho, tum bhii naa!
maaNg rahe ho ruKhsat mujh se, aur Khud hii
haath meN haath liye baiThe ho, tum bhii naa!
~Ambreen Haseeb "Amber"
===================❤️===================
https://youtu.be/-sLsi8FIKIU |
Waah.....youtube pe pahle bhi ye ghazal suni hai maine janaab ambreen ji ki...aaj phir padh k mazaa aaya....
Behad shukriya share karne ka...
Aate rahiyega..