Quote:
Originally Posted by ghayal_shayar
Ab to waqt hi nahiN mil pata kavitaayeN likhne ka par kuch puraane pannoN me mil gaya mujhe to socha likh hi daalun kya pata kisi ko ahchi hi lag jaaye,gar kisi ki baahvnaoN ya soch pe ye kavita kataksh kare to maafi ka talabgaar rahuNga.....!!
mera janam
kisi aspatal ya
prashav grih me nahiN,
balki samaj ki
oopri manjil mein
hua tha.
mera laalan paalan
kisi maa ne nahi
balki samaj ki
beechwali manjil ne
kiya tha.
main
ab tandurust aur
jawan hoon.
mera vichran sthal
neechli manjil se
oopari manjil tak faila hua hai
meri maan aur maryadaa
aakash choom rahi hai.
log bhagwan ke bina
reh sakte hain,par
mere bina nahi.
Meri pahuNch,
panditoN ki shikhaoN,
aur mullaoN ki dadhiyon me,
samaan roop se hai.
mai saapekch hoon
dharm nirpekch hoon
meri gandh lagte he
khushali fail jati hai
aur jahan mein nahi hota
wahan badhali fail jati hai.
main yug ki pukar hoon
samay ki dhaar hoon
najuk sukumar hoon
desh ka bharshtachar hoon.
|
bahut hi acha likha
sabd hi nahi kya kahu ek hi sabd me sari daad koi jabab nahi ish rachana ka
bahut dino baad yesa hua ki bar bar padhi
yesa sunder chitran kiya apane
aap bahut hi acha likhate he
mera vichran sthal
neechli manjil se
oopari manjil tak faila hua hai
meri maan aur maryadaa
aakash choom rahi hai.
bahut hi acha
log bhagwan ke bina
reh sakte hain,par
mere bina nahi.
Meri pahuNch,
panditoN ki shikhaoN,
aur mullaoN ki dadhiyon me,
samaan roop se hai.
itana acha likha
mai saapekch hoon
dharm nirpekch hoon
meri gandh lagte he
khushali fail jati hai
aur jahan mein nahi hota
wahan badhali fail jati hai.
kya sunder chitran he
desh ka bharshtachar h
main yug ki pukar hoon
samay ki dhaar hoon
najuk sukumar hoon
likhate rahe
apki rachanao ka intzar rahega
.