QATEEL JEE KE GULDASTE SE EK AUR PHOOL
Marhala raat ka jab aayega,
jism saaye ko taras jaayega.
Chal padi rasm jo kaj-fahmi ki,
baat kya phir koi kar paayega.
Sach se katraaye agar log yahan,
lafz mafhoom se katraayega.
Aitbaar uss ka humesha karna,
woh toh jhoothi bhi kasam khaayega.
Tu na hogi toh phir aye shaam-e-firaaq,
kaun aa kar humen behalaayega.
Hum usey yaad bahut aayenge,
jab usey bhi koi thukraayega.
Kaayenaat uss ki meri zaat mein hai,
mujh ko kho kar woh kise paayega.
Na rahe jab woh bhale din bhi ‘qateel
ye zamaana bhi guzar jaayega. !!